mércores, 29 xul 2020
A Corporación municipal de Vigo aprobou definitivamente a segunda modificación puntual do Plan Parcial de Navia, que fará posible a ampliación do barrio vigués con 1.600 vivendas de protección oficial. O goberno de Vigo volveu esixir á Xunta de Galicia a construción dun instituto, para o que ofrece terreo de balde.
mércores, 29 xul 2020
O Pleno Municipal, coa abstención do grupo do Partido Popular, aprobou a moción na que os socialistas instan ao Goberno Autonómico a que transfira de forma inmediata 1,5 millóns ao Concello polas medidas adoptadas en materia de desinfección para atallar a pandemia do coronavirus.
martes, 28 xul 2020
Abel Caballero explicou este martes que, unha vez ratificada no Pleno, a normativa facultará ao goberno vigués a determinar que areais serán espazos libres de fume. O alcalde engadiu que proporá ao Goberno de España a elaboración dunha lei que permita sancionar aos infractores.
martes, 28 xul 2020
Abel Caballero participou este martes no acto de colocación da primeira pedra do futuro aloxamento de Samil, que promove Inveravante, e que creará arredor de 200 empregos destacando a “nova dimensión do hotel e a súa vocación arquitectónica de integración paisaxística”.
luns, 27 xul 2020
O alcalde informou que, logo da paralización do procedemento polo Covid-19, en dúas semanas retomarase a execución desta obra “excepcional” que ten un importe de 3,5 millóns de euros.
venres, 24 xul 2020
Abel Caballero informou este venres de que a Xerencia de Urbanismo do Concello de Vigo aprobará a vindeira semana o proxecto para construír o paseo entre a rúa Tomás Paredes e Samil ao longo da Avenida de Europa. A nova infraestrutura terá un ancho de sete metros para peóns e bicicletas.
luns, 13 xul 2020
A Xerencia de Urbanismo aprobará mañá martes a solicitude de participación na anualidade 2020 do programa de fomento de rexeneración e renovación urbana e rural do Plan Estatal de Vivenda que inclúe edificios nas ARIS do Casco Vello, Bouzas, Coia e Santa Clara.
venres, 10 xul 2020
A Xerencia de Urbanismo aprobará no próximo Consello a resolución de incoación do expediente de contratación do Plan Especial de Infraestruturas ante a recente sentencia do TSXG que declara a falta de lexitimación das administracións municipais para solicitar a aplicación da Lei 3/2016, tal e como fixera o Concello.
luns, 6 xul 2020
O alcalde amosou esta mañá a súa satisfacción ao dar a coñecer a sentencia do Supremo que avala a actuación municipal no conflito urbanístico da Colina de Castrelos, que data do ano 1994. Esta resolución evita un risco “enorme” para as arcas municipais xa estamos a falar de 106 vivendas e unha superficie construída de 27.000 m2.
luns, 29 xuñ 2020
Abel Caballero explicou este martes en rolda de prensa que tanto o campo de fútbol de Valadares como o Colexio Andersen terán encaixe no desenvolvemento do Plan Xeral de Ordenación Municipal (PXOM).