O goberno local avanza na tramitación da remodelación de Baixada á estación e mañá aprobará o proxecto, dotado de 2 case dous millóns de euros. Está previsto que as obras comecen en xaneiro de 2021 e se alonguen durante 6 meses.
O Pleno validou a normativa que dará cabida legal aos elevadores no exterior dos edificios colectivos xa construídos e que non ofrecen a posibilidade de habilitalos no interior. A edil de Urbanismo explicou que o obxectivo da medida é garantir a igualdade e a accesibilidade de todos e todas.
A Xerencia de Urbanismo do Concello de Vigo aprobará o vindeiro martes a declaración de área de rehabilitación prioritaria do conxunto de edificacións situadas fronte á Basílica de Santa María. O alcalde indicou que o goberno local xa traballa cos propietarios dos negocios situados nos baixos para chegar a acordos sobre as expropiacións.
A Xerencia de Urbanismo iniciou este luns as xuntanzas con colectivos cidadáns para presentarlles o borrador do Plan Xeral de Ordenación Municipal (PXOM). O alcalde apuntou que a primeira reunión foi con Lavadores e houbo: “Foi moi instrutiva e construtiva, de moito interese”.
O goberno de Vigo vén de obter o documento vinculante de Aviación Civil para a actuación na Panificadora, co que só resta un informe da Xunta para poder aprobar definitivamente a modificación puntual do PXOM que fará posible recuperar o inmoble para o público. “É unha gran noticia” tras “sesenta anos de abandono”, valorou o alcalde este venres.
O paseo do Lagares sumará un novo tramo – entre Manuel Álvarez e a Avenida de Madrid – que es estenderá ao longo de 3,2 quilómetros e contará cun orzamento de 800.000 euros. O expediente de expropiación das 96 fincas afectadas recibirá luz verde definitiva o próximo martes e antes de final de ano, licitarase o proxecto construtivo.
A Xerencia de Urbanismo iniciará a partir da vindeira semana a todos os colectivos cidadáns para presentarlles o borrador do Plan Xeral de Ordenación Municipal (PXOM). O alcalde lembrou que o Concello xa enviou o documento á Xunta de Galicia para a súa Avaliación Estratéxica Ambiental.
A Xerencia de Urbanismo tomará coñecemento a vindeira semana da resolución para declarar innecesario dar licencia a unha parcela de O Berbés. O Concello ten previsto construír nese punto un novo elevador urbano que conecte co Barrio do Cura dentro do seu programa Vigo Vertical.
A Xerencia Municipal de Urbanismo aprobará este martes a compra do solar situado no número 6 da Praza de Pescadores para construír, xunto co inmoble da rúa Alta 23, o novo Centro de Formación para Persoas en risco de exclusión social. O alcalde explicou que o proxecto prevé estar finalizado a finais de 2021.
Abel Caballero informou este venres da incoación do procedemento para obter os 10.500 m2 necesarios para prolongar o carril bici desde a Avenida de Castelao ata Samil. Ademais, a futura área comercial da Avenida de Europa comeza a avaliación ambiental.