xoves, 19 xan 2023
Abel Caballero amosou na presentación da Feira Internacional de Turismo o orgullo da cidade: “Isto é Vigo. O entusiasmo das persoas cando chegan ao Nadal de Vigo”. O acto foi presentado pola xornalista de Radio Vigo Paula Montes e conducido polo xornalista Rodolfo Irago, que deu paso ao alcalde da cidade como “o máis influencer dos influencers”. Vigo deuse a coñecer nun vídeo promocional onde ademais do Nadal destaca as Illas Cíes, a festa da Reconquista, os concertos de Castrelos e a gastronomía.
mércores, 18 xan 2023
O aeródromo vigués pechou o mes de decembro con 86.380 pasaxeiros, un 27,5% máis con respecto ao 2019, ano de referencia previo á pandemia. Tamén subiron as operacións nun 37,3%. O aeroporto de Vigo foi o que máis medrou en Galicia no último mes de 2022.
venres, 13 xan 2023
Vigo estará na Feira Internacional de Turismo o xoves 19 de xaneiro no stand de TurEspaña para presentar o seu proxecto turístico do ano 2023 baixo o lema “Vigo: millóns de visitantes nos acreditan”. Vigo tamén presentará en FITUR Screen a cidade como estudio de gravación de películas e series para as grandes produtoras.
xoves, 1 dec 2022
O alcalde presentou o certame este xoves xunto a Amaia Mauleón, responsable da Vigo Film Office, salientando a “ilusión” depositada nesta primeira edición coa que se quere incentivar a creación audiovisual arredor do Nadal de Vigo e potenciar a urbe como estudo de cinema.
luns, 28 nov 2022
Abel Caballero deu conta en rolda de prensa da ocupación hoteleira do pasado fin de semana que cifrou no 94%. En materia turística tamén avanzou que a compañía AirNostrum operará a 5 destinos no verán de 2023 desde o Aeroporto de Vigo sen recibir subvención.
xoves, 24 nov 2022
O goberno local aprobou en Xunta de Goberno o concurso para a promoción turística de Vigo a través da conectividade aérea directa con Londres que prevé comezar a operar no mes de abril.
mércores, 16 nov 2022
Abel Caballero anunciou que o Concello está a preparar un concurso público para a promoción turística en destino, nesta ocasión con Londres, que terá 3 frecuencias semanais en temporada alta.
venres, 28 out 2022
Os horarios dos cemiterios municipais serán de 9 da mañá ás 18:30 horas os días 30 e 31 de outubro e 1 e 2 de novembro. Haberá reforzo do bus urbano cara aos camposantos o 1 de novembro. O luns 31 abre o derradeiro prazo para as visitas guiadas a Pereiró.
martes, 25 out 2022
Os datos do instituto Nacional de Estadística confirman a Vigo como unha potencia turística, logo de alcanzar unha ocupación hoteleira do 81% no mes de setembro. En número de visitantes, a cifra é practicamente igual que no mesmo mes de 2019, un ano de récord histórico para a cidade desde o punto de vista do turismo.
xoves, 20 out 2022
O alcalde avanzou que a Vigo Film Office participará hoxe e mañá no Shooting Locations Marketplace que se celebra en Valladolid, presentando a nosa oferta para converter a Vigo nun estudio audiovisual.
