venres, 4 nov 2005
A guitarrista Margarita Escarpa ofrecerá un concerto o sábado, día 5 ás 20.30 horas, no Auditorio Martín Codax do Conservatorio Superior de Música de Vigo, cuxa entrada é libre ata completar aforo. Por outra banda, o luns, día 7, ás 20:30 horas , no Auditorio Municipal , inaugurase o ciclo "Músicas para o silencio" que se desenvolve no marco do Festival Are More ata o 28 de novembro.
xoves, 3 nov 2005
A obra "A festa do emperador" de Mozart, é a obra elixida pola compañía de monicreques Theater Karromato, da República Checa, para interpretar no marco do ciclo "A formación de públicos no Are More" os días 4 e 5 de novembro no Teatro Fraga-CaixaGalicia.
Continúan tamén as actividades en inglés para nenos e adultos, as visitas escolares e os contacontos
mércores, 2 nov 2005
A Biblioteca Pública Central de Vigo incorpora neste curso académico unha nova actividade destinada aos nenos inmigrantes e que ten como obxectivo fundamental facilitar a súa integración lingüística e social.
luns, 31 out 2005
O Consello Social da Lingua Galega do Concello de Vigo, reunido onte xoves, 27 de outubro, declarou o seu apoio á candidatura do patrimonio oral galego-portugués a Obra Mestra do Patrimonio Inmaterial da Humanidade, distinción que concede a UNESCO.
luns, 31 out 2005
Do 3 de novembro ao 21 de decembro os amantes da ópera terán un cita en Vigo coa nova programación "Lírica de Otoño" que organiza a Asociación de Amigos de la Ópera e que presentou hoxe o concelleiro de Cultura, Ignacio López Chaves.
venres, 28 out 2005
O grupo vocal italiano Odhecaton, dirixido por Paolo da Col, protagonizará o concerto correspondente a segunda sesión do ciclo “As imaxes do amor” do Festival Are More o vindeiro domingo, día 30 de outubro. A Parroquia-Santuario María Auxiliadora será o escenario no que Odhecaton interpretará, ás 20.45 horas, “Tota pulchra es”, baseado na devoción mariana na polifonñia franco-flamenca, e será de entrada libre ata completar o aforo.
Pascual Osa dirixirá á Orquestra Filarmonía no Teatro Fraga-CaixaGalicia ás 18.00 horas
xoves, 27 out 2005
O vindeiro sábado, 29 de outubro ás 18,00 horas, o Teatro Fraga-CaixaGalicia acollerá a actuación “Fernando Argenta en concerto... en familia” interpretada pola Orquestra Filarmonía dirixida por Pascual Osa.Este concerto, para o cal xa están esgotadas as entradas, forma parte do ciclo “A formación de públicos no Are More”, unha das novidades que presenta a edición do Festival de Música de Vigo deste ano.
xoves, 27 out 2005
A Casa Galega da Cultura acolle a partir de mañá, venres 28 de outubro, a exposición "Espazos de encontro", de Mª Carmen Arenas. O concelleiro de Cultura, Ignacio López-Chaves, encadrou esta mostra no intento de abrir a sala a artistas novos.
xoves, 27 out 2005
A Fundación Pedro Barrié de la Maza ofrece na súa nova sede en Vigo, que será inaugurada mañá pola alcaldesa, Corina Porro, a exposición "Galicia industrial (c.1750-2005)". Esta mostra contextualiza, seguindo unha pauta cronolóxico-temática, os máis salientables episodios, empresas e personalidades da historia industrial galega.
Formado por profesores universitarios, investigadores e profesionais, é un dos máis prestixiosos conxuntos de Hispanoamérica
mércores, 26 out 2005
O Grupo de Música Popular Latino Americana, da universidade de Carabobo, en Valencia, Venezuela, actualmente de xira por Europa, actuará en Vigo o próximo día 28 de outubro, ás sete da tarde , no Verbum. Trátase dun dos máis importantes grupos de investigadores das raíces folclóricas da música criolla en todas a súa variantes e da tradición musical hispano americana que ten en Venezuela un dos seus maiores expoñentes. A entrada será libre.