xoves, 12 xuñ 2008
Un "cartel de luxo" integrará o primeiro Festival AlternaVigo de rock e metal, que se celebrará no Instituto Feiral de Vigo (Ifevi) os días 8 e 9 de agosto, segundo subliñou o tenente de alcalde, o Santi Domínguez. Así, o venres día 8, Barricada abrirá o festival, que posteriormente contará con grupos de diversa procedencia, como Reincidentes, Porretas e Ratos de Porao, entre outros, mentres que o sábado día 9, algunhas das bandas que actuarán son A cradel of filth, Gamma Gay, Over Kill e Fallen sentinen.<br />
mércores, 11 xuñ 2008
A exposición de Fino Lorenzo "Digresións (2004-2008" podese visitar desde o 12 de xuño ao 13 de xullo na Casa das Artes e que organiza a Concellería de Cultura.
mércores, 11 xuñ 2008
O festival de jazz "Imaxina Sons 08" ten previsto celebrar dúas sesións de "master-class" para as que os interesados poderán inscribirse a partir do xoves 12 de xuño na propia web do festival.
martes, 10 xuñ 2008
Dentro das actividades previas do festival Imaxina Sons’08 os días 11,12 e 13 de xuño terá lugar o ciclo de cine no que se proxectarán tres cintas onde a música de jazz é protagonista directa ou indirectamente. As sesións terán lugar ás 21 horas no Auditorio Municipal da praza do Rei, con entrada libre ata completar aforamento.
luns, 9 xuñ 2008
O grupo de musica popular do nordeste do Brasil "Quinteto Violando" ofrecerá un concerto o martes, 10 de maio, ás 20.30 horas no auditorio municipal . O concerto, que patrocina a concellería de Cultura, ten un prezo de entrada de 5 euros.
venres, 6 xuñ 2008
A partir do vindeiro mércores 11 de xuño o museo municipal de Vigo "Quiñones de León" ofrece visitas guiadas ao pazo-museo, froito de colaboración entre o museo municipal e a oficina municipal de voluntariado do Concello de Vigo.
venres, 6 xuñ 2008
A sección "Imaxina na Rúa" do festival de jazz "Imaxina Sons 2008" ábrese esta fin de semana coa actuación do Septeto da ESMAE (Escola Superior de Música e as Artes do Espectáculo) de Oporto, que fará catro "pases" o sábado 7 de maio na zona peonil do O Calvario ( 11:30 h), praza da Independencia (13:30 h), rúa do Príncipe (17:30 h) e Montero Ríos ( 19:30h).
venres, 6 xuñ 2008
O Día da Muiñeira, que este ano cumpre a súa 38 edición e se celebrará o 14 de xuño xunto ao Ensalzamento do Traxe Galego, contará coa participación de máis de 1.600 persoas, segundo anunciou este venres o concelleiro de Cultura, o Xesus López. A convocatoria deste ano presenta tamén como novidade o cambio de ubicación, xa que a concentración terá lugar ás 18 horas na praza do Rei e o festival celebrarase na Praza de Compostela.
xoves, 5 xuñ 2008
O venres 6 de xuño terá lugar no museo Verbum - Casa das Palabras a XIV edición da xornada de comunicación audiovisual "Ponte...nas Ondas" e da VII Mostra da Oralidade Galego-Portuguesa.Tambén haberá un concerto, ao aire libre, de Luar na Lubre (Galicia), Vozes da Rádio (Portugal) e Socorro Lira (Brasil.
mércores, 4 xuñ 2008
As entradas para o concerto que ofrecerá Estopa en Vigo o 28 de xuño ás 22 horas xa están a venda, mentres que nos vindeiros días tamén sairán a venda as entradas para o concerto de Pereza, que actuará en Vigo o 4 de xullo, segundo anunciou este mércores o concelleiro de Cultura, o nacionalista Xesus López. En ámbolos dous casos os concertos terán lugar no Instituto Feiral de Vigo (Ifevi), e as entradas póñense á venda a través de Caixanova, no teléfono 902.504.500 e na web ww.caixanova.es,<br />
