Exposición de madeira torneada

O CAT Centro de Artesanía Tradicional de Vigo e o Instituto Camões acollen a mostra "CONTORNOS II Exposición itinerante de madeira torneada" que se poderá visitar do 12 ao 28 de maio. A exposición compleméntase cunha demostración de tornería en horario de mañá os martes e xoves.

Producida pola Fundación Centro Galego da Artesanía e o Deseño da Consellería de Economía e Industria da Xunta de Galicia, esta exposición itinerante o que pretende conseguir e a apertura da artesanía á sociedade, de modo que se poida valorar a súa relevancia como resultado dun oficio artesanal- herdeiro dunha tradición cultural do torneado da madeira- e como peza artística de calidade.

A tornaría é un oficio artesanal de forte tradición en Galicia, que foise adaptándose aos novos tempos, actualizándose, sen perder para elo a súa forte identidade. Os torneiros galegos foron quen de recoller nas súas pezas todo o noso legado cultural, combinándoo en pefecta harmonía con deseños contemporáneos.

CONTORNOS
II Exposición Itinerante de madeira torneada
12-28 de maio de 2009

SEDES
CAT. Centro de Artesanía Tradicional de Vigo
Horario
Luns a xoves
10:00 ás 14:00 h e 16:30 ás 20:00 h
Venres
10:00 ás 14:00 h

Instituto Camões
Horario
Luns a xoves
10:00 ás 14:00 h e 15:30 ás 19:00 h
Venres
10:00 ás 14:00 h

Actividades paralelas
Demostración de tornería
Martes e xoves de 10:00 a 13:30 h

Descargar todas as imaxes