María Méndez apoia o manifesto do Comité de Entidades de Representantes de persoas con Discapacidade de Galicia
A concelleira de Benestar Social, María Méndez, manifestou este martes o seu máximo apoio ao comunicado emitido polo Comité de Entidades de Representantes de Persoas con Discapacidade de Galicia (CERMI) con motivo do Día internacional e europeo das persoas con discapacidade que se celebra mañá. A edil subliña que segundo o manifesto o 60 por cento de todas as persoas con discapacidade son nenas e mulleres, polo que reclama que se tomen as medidas pertinentes para permitir o exercicio e goce dos dereitos humanos e libertades fundamentais.
María Médez destaca que este ano entrou en vigor a Convención Internacional sobre os Dereitos das Persoas con Discapacidade, de xeito que sitúa ás persoas con discapacidade e as súas familias na dimensión dos dereitos humanos. Neste sentido, salienta o labor desenvolvido por CERMI como partícipe das accións de seguimento da aplicación das leis que eviten calquera tipo de discriminación. Así, lembra que esta entidade está recoñecida como organismo independente e representativo da sociedade civil adicado a promover e protexer a aplicación desta convención internacional.
"Todas e todos, cada un de nós, temos que traballar para garantir o cumprimento dos dereitos e as libertades de todas as persoas con discapacidade", sinala a concelleira nacionalista, quen lembra que no ano no que se celebra o sesenta aniversario da Declaración de Dereitos Humanos "é o momento de renovar o noso compromiso polos principios de xustiza e dignidade para todos os homes e mulleres con discapacidade".
Descargar todas as imaxes
"Todas e todos, cada un de nós, temos que traballar para garantir o cumprimento dos dereitos e as libertades de todas as persoas con discapacidade", sinala a concelleira nacionalista, quen lembra que no ano no que se celebra o sesenta aniversario da Declaración de Dereitos Humanos "é o momento de renovar o noso compromiso polos principios de xustiza e dignidade para todos os homes e mulleres con discapacidade".