O Concello dedica 1,4 millóns ao fomento do emprego de entidades sen ánimo de lucro
As entidades sen ánimo de lucro da cidade poderán solicitar a partir de mañá a durante dez días axudas á contratación. O goberno local destina 1,4 millóns a asociacións que traballan no movemento social, veciñal, sindical, deportivo, empresarial ou das comunidades de montes.
O Boletín Oficial da Provincia publicou hoxe as bases reguladoras e a convocatoria das subvencións do fomento do emprego para as actividades que realizan as entidades sen ánimo de lucro. O total das axudas é de 1,4 millóns a repartir en seis programas: asociacións veciñais e culturais, 245.000 euros; entidades sociais e asistenciais, 440.000 euros; sindicatos, 111.000 euros; entidades empresariais, 200.000 euros; comunidades de montes, 145.000 euros; e, finalmente, entidades deportivas, 349.000 euros. O límite de solicitude por organización é de 35.000 euros e o prazo estenderase durante dez días a partir de mañá martes, 11 de xuño.
Segundo explicou o rexedor, son achegas económicas, en réxime de concorrencia competitiva, dirixidas a fomentar o emprego e dar estabilidade ao persoal contratado. Deste xeito, o goberno local coopera a reducir o desemprego na cidade a través da colaboración coas ONG,s.