Esta nova construción levantarase en Guixar, terá capacidade para 16.000 persoas e proxéctase semienterrado cunha cuberta transitable e zonas verdes. “Converterá a Vigo no principal destino de grandes concertos e eventos do noroeste peninsular, dando servizo a toda Galicia, ao norte de Portugal, Asturias, León e Zamora”, afirmou o alcalde.
O alcalde anunciou que a cidade homenaxerá a Borja Iglesias, "o panda", polo seu éxito no Mundial de Fútbol 2026 celebrado nos Estados Unidos no que a Selección Española acadou a súa segunda estrela. Iglesias é o primeiro galego e o primeiro xogador do Celta en gañar un Mundial polo que "queremos distinguir unha gran acción deportiva de quen levou as siglas do Celta de Vigo e o nome do Celta detrás del".
Abel Caballero saudou aos dous axentes da Policía de Segurança Pública portuguesa que durante quince días deste mes de xullo traballarán xunto á Policía Nacional na Comisaría de Vigo-Redondela. Na súa visita á Sala de Control do Tráfico da Policía Local o rexedor desexoulles a mellor sorte e aprendizaxe nestas xornadas de colaboración internacional. O Proxecto Comisarías Europeas comezou en 2008 coa misión de formar patrullas mixtas para atender no propio idioma ao turista desprazado a zonas de especial interese turístico ou con motivo de eventos socioculturais de relevancia.
Os apoios aprobados pola comisión municipal na última semana ascenden a 25.000 euros. A maior parte, cunha asignación de 16.766 euros, están destinados a solucionar problemas de vivenda.
O alcalde recibiu este mércores a un grupo de estudantes chineses da Universidade de Pekín, que está gozando dunha estadía formativa na cidade para aprender español. Abel Caballero deulles a benvida a Vigo, convidounos a coñecer a nosa historia e a visitar algúns dos lugares destacados e a probar os manxares da gastronomía olívica.