Abel Caballero asistiu esta mañá ao acto de colocación da primeira pedra das obras de humanización da rúa Tomiño, que teñen un orzamento de preto de 600.000 euros. Destacou que o Goberno Local investirá en melloras en Coia 7,6 millóns de euros.
A Xunta de Goberno Local aprobará este venres o proxecto básico e de execución da obra de reforzo estrutural e de mellora da accesibilidade da Praza do Rei que ten un orzamento previsto superior aos 4,4 millóns de euros.
O Concello conmemorou o Día de Galicia nos xardíns históricos de Castrelos, nun acto no que Abel Caballero destacou que Vigo avanza con máis forza ca nunca ao carón do resto de Galicia e coa vista posta en ser sede mundialista no ano 2030. O rexedor puxo en valor a transformación da cidade e o "orgullo de ser de Vigo, desde o liderado e desde a unidade. Camiñando unidos, toda a cidade unida, tendendo a man amiga a toda Galicia". Por outra banda, o pregoeiro, David Regades, reivindicou o papel de Vigo como motor de Galicia e defendeu o modelo da cidade "de excelencia e non low-cost". O delegado do Estado da Zona Franca tamén defendeu a acción das persoas traballadoras e sinalou que o emprego que xera valor engadido merece bos salarios e boas condicións laborais.
A Xunta de Goberno aprobará a consulta pública previa para elaborar unha norma que reforzará a loita contra a explotación sexual e a protección das mulleres.
Os concelleiros, Manel Fernández e Elena Espinosa, recibiron no Concello a Hugo Nogueira, Ariadna Pazos e Martina González, integrantes da Escola de Pickleball do Círculo Mercantil de Vigo, tras a súa destacada participación no Campionato de España Xuvenil celebrado en Arganda del Rey. Hugo Nogueira proclamouse campión de España de dobres masculino sub-14, formando parella con Lucas Faraldo, e acadou tamén o subcampionato de dobres mixtos xunto a Ariadna Pazos. Pola súa banda, Ariadna Pazos e Martina González conseguiron o subcampionato de España de dobres feminino sub-14. O Círculo Mercantil foi a única das 132 escolas de pickleball de España que conseguiu clasificar deportistas para as finais das tres modalidades da categoría sub-14. Na recepción participaron tamén Sonia Rodríguez e Sara Docampo; o vicepresidente do Círculo Mercantil e director da escola, Fran Yáñez; e o monitor Patxy Suárez.