O Goberno local prorroga o servizo de atención domiciliaria á infancia
O alcalde explicou que o Concello destina ao programa Kanguros 187.000 euros ao ano.
Abel Caballero lembrou que con esta iniciativa, o Concello apoia a mulleres que contan con escasos recursos, que non dispoñen de apoio económico ou familiar, e que precisan o coidado dos seus fillos para a súa incorporación ao mundo laboral, así como como para realizar cursos de formación.
“É un programa que lles axuda a afrontar unha situación de emerxencia”, destacou.
Convenio DOA
O Goberno local tamén aprobou o convenio de colaboración coa asociación DOA de saúde mental, de 2026 a 2029, por un importe global de 40.000 euros. “Queremos contribuír ao desenvolvemento do programa de talleres para persoas con problemas de saúde mental que carecen de recursos alternativos”, afirmou o alcalde.