O alcalde explicou que enviou esta mañá unha carta ao presidente da Real Federación Española de Fútbol, Rafael Louzán, na que lle esixe a “inclusión da cidade como sede do Mundial 2030” e “o traslado á FIFA para completar a listaxe das 11 sedes”. Na reunión de novembro das sedes seleccionadas só participaron 10 cidades, quedando unha praza sen completar.
Abel Caballero mantivo un encontro este luns con Miriam Rifai Corpas, que acaba de incorporarse á comisaría de Vigo-Redondela como Xefa da Brigada Local de Seguridade Cidadá, sendo a primeiro muller en asumir o cargo de comisaria na Policía Nacional da cidade. Na reunión estiveron presentes tamén o comisario xefe de Vigo, Ramiro Gómez; a primeira tenente de Alcaldía, Carmela Silva e a concelleira de Seguridade, Patricia Rodríguez, e serviu para abordar o mantemento da coordinación fluída e próxima que mantén o Concello, a Policía Local e a Policía Nacional.
“Unha gran exposición; a exposición dun mestre da pintura inigualable” avanza o rexedor sobre a mostra que o Concello abre este xoves, 19 de febreiro, no espazo municipal recollendo parte do universo vigués do pintor.
O Concello de Vigo transferirá 500.000 á Fundación Vigo Convention Bureau para financiar o seu funcionamento en 2026.
Debido ás condicións climatolóxicas, a programación do Entroido desenvolverase o luns e o martes na entrada da Casa Consistorial e no Auditorio Municipal. Aprazada a queima do Meco e o traslado das exequias funerarias ao sábado ás 19 horas. O concerto da orquestra París de Noia será na Porta do Sol o venres ás 21 horas.
A próxima fin de semana o Instituto Feiral de Vigo acolle a XV edición do “Retro Galicia Autos e Motos Vigo 2026” que conta coa participación de máis de 100 expositores, a presenza de máis de 1.000 clásicos, e coa venda dos modelos Pegaso Z 102 e Ferrari 250 GTE por valor de 1.000.000 e 400.000 euros, respectivamente.