A XV edición do salón Retro Galicia 2026, a próxima fin de semana no Ifevi
A próxima fin de semana o Instituto Feiral de Vigo acolle a XV edición do “Retro Galicia Autos e Motos Vigo 2026” que conta coa participación de máis de 100 expositores, a presenza de máis de 1.000 clásicos, e coa venda dos modelos Pegaso Z 102 e Ferrari 250 GTE por valor de 1.000.000 e 400.000 euros, respectivamente.
O alcalde, o director do Instituto Feiral de Vigo e o director do salón “Retro Galicia Autos e Motos Vigo 2026” presentaron este luns a décimo quinta edición da cita dos vehículos clásicos que, entre o venres 21 e o sábado 22 de febreiro, despregarán en máis de 17.000 metros as mostras das principais firmas do motor así como a homenaxe ao piloto Germán Castrillón, entre outros actos.
Abel Caballero afirmou que o salón dos clásicos é unha referencia nacional do motor para os afeccionados aos vehículos clásicos e de colección.
O director do evento, José Enrique Elvira, tras agradecer ao alcalde o apoio do Concello de Vigo, explicou que o salón acollerá as mostras monográficas “120 anos de Lancia”, “50 anos do Ford Festa”, “50 anos de Volswagen Golf GTI”, “50 anos de Mercedes-Benz W-123” e “100 anos de Ducati”. Os vehículos con máis de 30 anos de antigüidade poderán aparcar nun estacionamento habilitado expresamente para os clásicos.
Arsenio Prieto, director de IFEVI, tras agradecer ao alcalde o apoio ás citas feirais, xa que explicou que o Concello patrocina o 80 por cento dos eventos, destacou o peso dos sucesivos salóns do motor que se celebran en Vigo.