A Praza do Rei acolleu este luns ás 12:00 horas o minuto de silencio convocado polo Concello “en memoria das vítimas” do accidente de tren sucedido onte en Adamuz, Córdoba. O alcalde transmitiu o pesar da cidade ante esta traxedia e trasladou “a súa solidariedade e o cariño ás familias” das persoas falecidas así como o “desexo de recuperación” para as persoas feridas.
O Concello presentará este xoves, 22 de xaneiro, na Feira Internacional de Turismo de Madrid, a proposta turística de Vigo para o ano 2026. Será no espazo de Turespaña “o máis importante de Fitur”, ás 14:00 horas e poderá seguirse a través da web municipal.
O alcalde inaugurou hoxe a humanización da rúa Pablo Iglesias, que contou cun investimento de cerca de 1.300.000 euros. “É unha mellora integral da rúa que homenaxea ao Celta cunha escultura do escudo en pedra e unha oliveira centenaria”, destacou o rexedor.
A Gala de Atletismo recoñecerá un ano máis aos mellores e ás mellores deportistas desta modalidade durante 2025. Esta tarde, o alcalde participará na entrega de 89 distincións nun evento organizado no Auditorio Municipal.