O alcalde valorou este mércores os datos turísticos do Instituto Nacional de Estatística que sitúan a Vigo como “a cidade de Galicia que nos dez primeiros meses de 2025 tivo máis turistas estranxeiros”.
Este venres, 23 de xaneiro desenvólvese a primeira das visitas que achegan a historia da cidade a través do camposanto e que continuarán ata o 12 de febreiro, con tres quendas de tarde. A inscrición para participar nas visitas guiadas, que comezou este mércores, pode facerse de forma presencial na lonxa do Concello, en dúas quendas: ás 10:00 horas apertura do portelo 18 (ás 9:30 xa estará habilitado o servizo para a orde de quenda) e ás 13:00 horas. Cada solicitante poderá inscribir a un máximo de 4 persoas.
O alcalde deu conta este mércores da celebración dun novo encontro de rondallas da cidade que reunirá no pavillón municipal de As Travesas ás agrupacións de Beade, Helios de Bembrive, Valladares e San Mamede de Zamáns. Tamén participarán grupos de Nigrán, Tui e Redondela.
Abel Caballero lamentou este mércores que Vigo quedara sen facultade de Medicina como consecuencia do pacto que ratifica o acordo entre os reitores das universidades de Vigo, Santiago e A Coruña e os conselleiros de Sanidade e Universidades para descentralizar a docencia teórica e clínica en 4º,5º e 6º do grao. “Estou en absoluto desacordo”, recalcou.