O alcalde anima a inscribirse na segunda edición de "Vigo Dance Festival" os días 25 e 26 de abril
O baile volverá converterse “no corazón de Vigo” a fin de semana do 25 e 26 de abril coa segunda edición de “Vigo Dance Festival”, segundo avanzou hoxe o alcalde ao animar a toda a cidade a inscribirse na cita cultural que arrincou en 2025 coa participación de 1.500 bailaríns.
O alcalde presentou este martes, coa fundadora de Coreomagazine, Marta Díaz Almeida, os integrantes de Dance Academy, Daniel Suárez e Bruno Orosa, e coa presentadora Maika Augado, a primeira das dúas citas de 2026 de “Vigo Dance Festival”, que se celebrará a fin de semana do 25 e 26 de abril no Auditorio Mar de Vigo, en coincidencia co “Día Internacional da Danza”. A segunda edición terá lugar a fin de semana do 7 e 8 de novembro.
Caballero, tras destacar o éxito da primeira edición, destacou a “mobilización” de mozas e maiores nas dúas edicións do ano pasado.
Festival participativo
A organizadora de “Vigo Dance Festival 2026”, Marta Díaz Almeida, trasladou ao alcalde o agredecimiento dos bailaríns polo apoio a unha iniciativa “que só se fai en Vigo” e avanzou a participación espontánea do público entre as novidades deste ano. “Vai ser un festival máis participativo e inclusivo”, afirmou