Nunha reunión celebrada este venres, a proposta do goberno de Vigo recibiu “a felicitación expresa e colectiva” do sector, asegurou Caballero, quen agarda aprobar a ordenanza “moi rapidamente” para que poidan estar instaladas no outono. O Concello incorporará progresivamente criterios estéticos uniformes por zonas e permitirá ocupar prazas de estacionamento. “O noso apoio total á hostalería”, resumiu o alcalde.
O goberno dirixido por Abel Caballero prorrogou por un ano o contrato para as seis instalacións e a prestación de docencia nas piscinas de Travesas, Teis, Lavadores e Valladares e nos ximnasios do Berbés e do Carme. Ademais, o Concello validou unha subvención por 47.000 euros ao Vigo Voleibol.
O alcalde informou este venres da aprobación na Xunta de Goberno Local dos traballos de redacción do proxecto técnico das obras de renovación do colector que recolle as augas residuais ao longo do río. Xunto a esta obra, avanzou os investimentos previstos no abastecemento e saneamento da cidade ou na estación de bombeo de augas residuais de Bouzas que superan os 3,5 millóns de euros de orzamento.
As achegas municipais de emerxencia evitan miles desafiuzamentos na cidade ao anticiparse e facilitar recursos para pagar alugueiros ou hipotecas. No que vai de pandemia adxudicáronse 13.876 axudas cun importe de preto de 2,2 millóns.
Os premios Asprima-Sima son os de maior prestixio do sector e este ano distinguen ao proxecto vigués no entorno do Vialia, como exemplo de mobilización de recursos e pola conversión da zona nun espazo de calidade. Abel Caballero asegurou que o premio “é un recoñecemento aos 14 anos de traballo desde a Alcaldía”.