Escoitar

Máis do 50% das achegas de emerxencia serven para evitar desafiuzamentos na cidade

As achegas municipais de emerxencia evitan miles desafiuzamentos na cidade ao anticiparse e facilitar recursos para pagar alugueiros ou hipotecas. No que vai de pandemia adxudicáronse 13.876 axudas cun importe de preto de 2,2 millóns.

venres, 28 mai 2021

Na última comisión municipal de valoración adxudicáronse 96 achegas, por importe de 18.000 euros. Deste montante, máis do 56% -54 axudas - foron para vivenda ou o que é o mesmo, serviron para evitar desafiuzamentos na cidade.

No que vai de 2021, entregamos xa 2.054 axudas, por valor de 399.198,94 euros, das que 936 foron para pago de alugueiros ou hipotecas, cun importe de 317.000 euros. Se tomamos como referencia o inicio da pandemia, a contía elévase a 2,2 millóns, cantidade que permitiu adxudicar 13.876 achegas e beneficiar a 37.465 persoas.