O Concello pretende unir Isaac Peral con Travesía de Vigo a través dunha rampla mecánica que sería financiada con fondos europeos. Esta actuación é unha das moitas incluídas no programa que está elaborando o Goberno local para participar no chamado Plan de recuperación para Europa.
A Xunta de Goberno Local vén de aprobar a contratación do servizo de deseño e produción das carrozas escenario municipais da cabalgata estática de 2021 que se celebrará na Avenida de Castelao.
Vigo conta co Centro de emerxencia para mulleres vítimas da violencia de xénero, para toda Galicia, que financia o Concello con 241.000 euros. A Xunta de Goberno Local vén de aprobar a cesión temporal dunha vivenda da rede municipal de pisos de protección para mulleres vítimas da violencia de xénero.
Por mor do Covid, os contos, concertos e contadas que o Concello tradicionalmente programa en directo pasarán este ano a emitirse de forma telemática. O próximo martes, 22 de decembro, a web municipal ofrecerá as propostas dunha quincena de artistas para familias, nenos e nenas.
O alcalde de Vigo, Abel Caballero, mantivo este luns unha xuntanza con Marc Benhamou, director Territorial de Caixabank Galicia/Castilla y León; María Jesús García Piñeiro, coordinadora de Institucións en Galicia, e Evaristo Puentes Leira, director de Institucións de Caixabank. O rexedor amosou a súa satisfacción pola implicación da entidade co ámbito social, deportivo e económico de Vigo. “O meu agrado, van a abrir máis oficinas, sede no Príncipe e unha maior cooperación coa cidade”, sinalou.