O alcalde e varios concelleiros e concelleiras municipais participaron este martes na Porta do Sol no acto organizado pola Asociación Galega de Afectados por VIH (Agavih), nun ano marcado pola pandemia da Covid-19. Na súa intervención, Caballero recordou aos millóns de infectados e falecidos polo VIH.
O alcalde anunciou este luns que o acendido do alumeado de Nadal será retransmitido en streaming e que o Concello ofrecerá directos do Nadal vigués. Caballero tamén explicou que o Concello tomará medidas especiais para facilitar a mobilidade peonil e cumprir a normas de seguridade covid.
Abel Caballero explicou este martes que o Concello enviou hai un mes e medio o proxecto básico para que Patrimonio Histórico dea o visto bo á rexeneración do espazo. Ante a falta desta autorización, a obra está parada.
O alcalde explicou este martes que O Concello de Vigo xa ten en marcha a notificación individual dos propietarios das fincas a expropiar para a ampliación do Instituto Feiral de Vigo (Ifevi). Ademais, destacou que o Goberno galego aínda non notificou oficialmente a aprobación da ampliación no Consello da Xunta.
Abel Caballero reiterou esta mañá a vontade do goberno local de non aplicar a orde da Xunta que obrigaría a botar á rúa aos usuarios dos albergues que leven pernoctando máis de dez días. Coas instalacións de Marqués de Valterra e da Fundación Santa Cruz ao 100% da súa capacidade, o Concello aloxa a outras 29 persoas sen teito en hoteles ou hostais da cidade.