Tal e como avanzara esta semana o alcalde, este venres abriu as súas portas a nova sala, emprazada en Teixugueiras 26, que conta con 200 prazas. Está aberta de luns a venres de 9 a 21h e os sábados de 9 a 14h, horario que se ampliará en época de exames, segundo confirmou Abel Caballero.
O alcalde subliñou que a tramitación e envío do proxecto tivo lugar na mesma mañá en que se recibiu desde a Xunta. Ademais, en 24 horas remitiuse tamén para exposición pública a relación de bens e dereitos afectados pola expropiación. Caballero contrapuxo a xestión municipal cos "vinte días" que tardou a Xunta en enviar o proxecto ao Concello.
O alcalde desvelou este venres os dous concertos programados para o Entroido deste ano: Soraya Arnelas actuará o venres 21 de febreiro e Ketama, na noite do sábado 22.
A Xunta de Goberno Local do Concello de Vigo aprobou este venres o Programa de Coidadores de Barrio. O alcalde destacou que o servizo de Benestar Social funcionará xa de forma ininterrompida durante todo o ano. Ademais, na mesma sesión da xunta foi ratificada a solicitude de dez bandeiras azuis para as praias e tres para os sendeiros
O INE confirma o bo avance do turismo na cidade que o pasado decembro rexistrou un 50% máis de pernoctacións que o mesmo mes de 2018. De feito, Vigo volveu recibir unha nova distinción, ao ser elixida por European Best Destinations para converterse nun dos mellores destinos para visitar Europa en 2021.
Ata o 24 de maio, o MARCO acolle a mostra "Manuel Colmeiro. Espazos e encadramentos" unha selección das súas obras procedentes de diferentes coleccións. O alcalde manifestou o seu "orgullo" porque a obra de Colmeiro chegue ao Museo de Arte Contemporánea de Vigo.
Abel Caballero participou este venres na Comisaría de Vigo-Redondela no acto de conmemoración do 196 aniversario da creación da Policía Nacional no que recibiron diplomas varios axentes que veñen de xubilarse a quen felicitou o rexedor. No seu discurso, Caballero recoñeceu o traballo que desenvolve o Corpo "desde a Lei e a Constitución como vertebrador das cidades" e puxo en valor a súa creación "como unha forma de entender a modernidade, a convivencia, as novas necesidades e valores" destacando a profesionalidade dos axentes da Policía Nacional.