Abel Caballero fixo este mércores o primeiro dos anuncios para as festas de verán de 2020 no Auditorio ao Aire Libre de Castrelos. O artista británico Sting actuará o vindeiro 1 de agosto dentro da súa xira mundial "My songs". O alcalde mostrou a súa satisfacción por poder contar cun músico do nivel do inglés.
O Concello de Vigo inaugurará o próximo venres 24 de xaneiro a biblioteca de Navia, situada en Teixugueiras e dotada con 200 postos de lectura. Cun orzamento de case medio millón de euros, estas instalacións veñen sumarse ás que o goberno local puxo en marcha en Martínez Garrido (Neira Vilas), á do Auditorio Mar de Vigo, á Casa do Patín (Bouzas) e á que está prevista no antigo ambulatorio de Teis.
Segundo confirmou este mércores Abel Caballero, o Concello asinou a licenza de obra nova para que Attica21 Hoteis constrúa un recinto hoteleiro de 4 Estrelas Superior na parcela do antigo Hotel Samil. O proxecto contempla catro bloques cun máximo de catro alturas para 125 habitacións.
O alcalde mantivo esta mañá un encontro con responsables do centro educativo San José de Cluny no que acordaron as medidas para axustar o tráfico de entrada a saída do centro á recentemente humanizada Estrada Provincial. Deste xeito, o colexio incorpórase ao plan municipal de tráfico que xa funciona noutros moitos centros escolares da cidade.
Abel Caballero estivo este mércores coñecendo as instalacións e o traballo que desenvolve Legálitas no centro de asesoramento xurídico para todo o territorio nacional que vén de abrir na cidade.