O goberno local aprobou esta mañá a contratación dos traballos de mellora da pavimentación de García Olloqui e Praza Compostela por un importe de 1,2 millóns de euros e un prazo de execución de seis meses. O rexedor explicou que con esta actuación se arranxará a "chapuza" de humanización que realizou o goberno do PP en Vigo hai unha década.
O goberno local vén de aprobar a contratación das bolsas de inglés para alumnos da ESO e estudantes da Escola Oficial de Idiomas. En 2018 serán 850 os beneficiarios destas achegas cun orzamento de preto de 2 millóns de euros.
A Xerencia de Urbanismo deu luz verde ao expediente de contratación das obras que mellorarán esta zona de San Roque, que se une á humanización xa prevista na rúa Colombia.
O alcalde recibiu este xoves a membros da nova xunta directiva da Asociación Veciñal a quen lles amosou o compromiso do Concello co seu labor. "Ofrecinlles toda a cooperación porque O Calvario é unha zona importante e queremos ter o máximo de presenza e acción". Nese sentido, indicou que tentarán impulsar o proxecto da entidade de maneira que o proceso de renovación non afecte á organización de eventos como a festa da alegría que facían cada ano. <br />
"Non quedaremos cruzados de brazos", apunta o rexedor, quen enviará unha carta ao director do Imserso demandando que poñan autobuses desde Vigo e Pontevedra para os desprazamentos dos pensionistas a Santiago a coller os avións.
Caballero participou este xoves na inauguración da XV Festa do Marisco de Vigo, VigoMar 2017, no Porto Pesqueiro onde dende hoxe e ata o domingo se poderá degustar este manxar da nosa gastronomía a prezos populares. O alcalde salientou a importancia do sector pesqueiro na economía da cidade e puxo en valor o traballo da xente do mar, ao tempo que animou á cidadanía a participar da festa.