O Pleno municipal aprobou inicialmente esta mañá as Ordenanzas fiscais de 2018 que manteñen a Vigo como a cidade con menor presión fiscal de Galicia, segundo datos do Ministerio de Facenda. Na sesión plenaria desta mañá, o goberno local desestimou as emendas presentadas pola oposición e deu luz verde ao primeiro paso para aprobar os orzamentos nun documento que prevé máis de 7 millóns en bonificacións.
O alcalde e a presidenta da Deputación visitaron este mércores as obras de reforma dos vestiarios e de acondicionamento do pavillón polideportivo do IES de Beade que poderá ser usado polo instituto e polo deporte da cidade.
Os tres grupos municipais deron luz verde este mércores a unha moción socialista que insta á Xunta a elaborar "de xeito urxente" o Plan Reitor de Usos e Xestión do Parque das Illas Atlánticas. Na mesma sesión plenaria tamén se aprobou outra iniciativa do PSdeG na que se esixen responsabilidades políticas pola "nefasta" actuación do goberno autonómico na decisión de non permitir o acceso ás Illas Cíes de miles de persoas o pasado 20 de agosto. <br />
O obxectivo do programa é distribuír materiais básicos de educación primaria a máis de 5.500 nenas e nenos "que sofren un atraso severo na súa formación" para garantir o acceso á educación en zonas afectadas pola guerra en Siria. O conflito destruíu a quinta parte das escolas do país.
O PSdeG e Marea de Vigo coincidiron esta mañá ao apoiar unha moción que vela pola garantía de dereitos en procesos de violencia de xénero. Defendida pola concelleira de En Marea, Margarida López, o texto reclama unha batería de medidas para favorecer a integración e recuperación social destas vítimas.