O Concello destina 20.000 euros para un proxecto educativo de Unicef en Siria
O obxectivo do programa é distribuír materiais básicos de educación primaria a máis de 5.500 nenas e nenos "que sofren un atraso severo na súa formación" para garantir o acceso á educación en zonas afectadas pola guerra en Siria. O conflito destruíu a quinta parte das escolas do país.
O alcalde, acompañado de Gloria del Río, vicepresidenta de UNICEF Galicia, presentou este mércores "Acceso á educación en Siria: aprender no medio da destrución", o proxecto educativo no que o Concello colabora con UNICEF cunha achega de 20.000 euros. "Queremos estar na cooperación internacional nos sitios onde é máis necesario e imprescindible".
Segundo explicaron, o obxectivo do proxecto é distribuír subministros básicos de educación primaria a máis de 5.500 nenas e nenos para garantirlles o acceso á educación. Vaise desenvolver nas zonas afectadas polo conflito en Siria, incluíndo as de máis difícil acceso e sitiadas, como Aleppo e Homs seguindo criterios e principios de vulnerabilidade, universalidade, humanidade, imparcialidade e neutralidade.
Abel Caballero explicou que os nenos e nenas sirias recibirán mochilas, cadernos de exercicios, libros de debuxo, material escolar diverso así como material pedagóxico e kits de ocio para os pequenos e xogos e contos para os nenos de infantil. Tamén se inclúen materiais relacionados coa agua e o saneamento para mellorar a saúde. O rexedor adiantou que a cooperación con UNICEF seguirá e recoñeceu o seu labor e "permanente atención" aos máis pequenos.
Sobre a situación educativa, apuntou Caballero que os nenos sofre un "atraso severo na súa formación", que é preciso recuperar. A quinta parte das escolas foron danadas de forma severa (unhas 2.400) e non poden ser usadas con fin educativo: 772 en Idlib, 300 en Aleppo e 300 en Deraa. Hai un número elevado de profesores asasinados e outros que non están en condicións de traballar mentres a asistencia de nenas e nenos a clase caeu de forma importante.
Para Gloria del Río, vicepresidenta de UNICEF en Galicia, "a descentralización da cooperación internacional é moi importante e oxalá moitos concellos sigan o exemplo de Vigo neste sentido". A ONG ten nestes momentos máis de 240 traballadores en Siria de forma permanente nos seus 5 distritos o que "garante que todo o que se envíe será ben empregado". Apuntando que a relación co Concello de Vigo se fortalece "cada vez máis" agradeceu a cooperación municipal con este labor "que é de todos aínda que non todo o mundo o entende así".
Descargar todas as imaxes
Segundo explicaron, o obxectivo do proxecto é distribuír subministros básicos de educación primaria a máis de 5.500 nenas e nenos para garantirlles o acceso á educación. Vaise desenvolver nas zonas afectadas polo conflito en Siria, incluíndo as de máis difícil acceso e sitiadas, como Aleppo e Homs seguindo criterios e principios de vulnerabilidade, universalidade, humanidade, imparcialidade e neutralidade.
Abel Caballero explicou que os nenos e nenas sirias recibirán mochilas, cadernos de exercicios, libros de debuxo, material escolar diverso así como material pedagóxico e kits de ocio para os pequenos e xogos e contos para os nenos de infantil. Tamén se inclúen materiais relacionados coa agua e o saneamento para mellorar a saúde. O rexedor adiantou que a cooperación con UNICEF seguirá e recoñeceu o seu labor e "permanente atención" aos máis pequenos.
Sobre a situación educativa, apuntou Caballero que os nenos sofre un "atraso severo na súa formación", que é preciso recuperar. A quinta parte das escolas foron danadas de forma severa (unhas 2.400) e non poden ser usadas con fin educativo: 772 en Idlib, 300 en Aleppo e 300 en Deraa. Hai un número elevado de profesores asasinados e outros que non están en condicións de traballar mentres a asistencia de nenas e nenos a clase caeu de forma importante.
Para Gloria del Río, vicepresidenta de UNICEF en Galicia, "a descentralización da cooperación internacional é moi importante e oxalá moitos concellos sigan o exemplo de Vigo neste sentido". A ONG ten nestes momentos máis de 240 traballadores en Siria de forma permanente nos seus 5 distritos o que "garante que todo o que se envíe será ben empregado". Apuntando que a relación co Concello de Vigo se fortalece "cada vez máis" agradeceu a cooperación municipal con este labor "que é de todos aínda que non todo o mundo o entende así".