Este martes, Abel Caballero informou da concesión de 247 axudas de emerxencia para familias que o precisan, salientando o abono "nun mes" de 34.000 euros para alugueres, aloxamento e hipotecas, de 36.000 euros para alimentación e outros 13.000 para pagos de luz, auga e gas. "Quero que a cidade estea orgullosa da atención que da a quen o precisa", subliñou o alcalde.
Abel Caballero enviará unha carta á Xunta de Galicia advertindo das "disfuncións técnicas" que detectou no borrador de lei de área metropolitana que recibiu o pasado venres. Entre outros, Caballero trasladará ao goberno autonómico a necesidade de rectificar os membros do comité de transporte no que deberían estar todos os concellos, tal e como pactaron os rexedores.
Caballero solicitou este martes ao vicepresidente autonómico un enfoque "máis aberto e participativa" para a proposta de traslado á torre do Xeral das dotacións xudiciais, tras constatar que colectivos vigueses carecen de información. Alerta o rexedor de que o "escurantismo" xera "enorme desconfianza".
O alcalde indicou este martes que "queremos amosar o noso apoio total ao deporte feminino" e "non soamente hoxe". O goberno local programa para esta tarde no Auditorio Mar de Vigo un "gran encontro con centos de mulleres deportistas" que farán exhibicións de taekwondo, baile deportivo, esgrima, ximnasia acrobática e artística.
O Consello Municipal da Muller de Vigo co lema "Tempos sen exclusións das mulleres", como dende hai xa vintetrés anos, imos realizar unha serie de actividades para reivindicar o "8 de marzo día internacional das Mulleres".
Abel Caballero reiterou hoxe martes o orgullo que sente a cidade ao contar cun corpo de Bombeiros como o de Vigo. Durante a tradicional exhibición organizada en San Rafael con motivo do día do patrón -San Juan de Dios- Caballero eloxiou o traballo e o compromiso destes profesionais cos que, a continuación, compartiu xantar nas instalacións de bombeiros de Teis. <br />
Manel Fernández, concelleiro de Deportes, presentou Galiexpo Motorshow, a décima edición do certame do motor, un evento ao que o Concello xa lle transmitiu que o seguirá apoiando en 2017.
No marco do programa de actos que a Concellería de Igualdade e mailo Consello Municipal da Muller de Vigo organizan en marzo con motivo da conmemoración do "8 de marzo", Día Internacional das Mulleres, o mércores día 9 proxectarase o documental "Fíos Fora" ás 20.00 horas no Centro Cívico do Casco Vello. O documental trata das mulleres galegas que traballaron no sector textil.