Durante a inauguración do novo edificio dos rexistradores, Caballero definiu este venres como un "día moi importante" para Vigo pois "recupérase unha parte clave da historia desta cidade", un "conxunto histórico" de edificios rehabilitados nas rúas Real e Alta do Casco Vello que acolle desde hoxe os Rexistros da Propiedade.
A Xunta de Goberno local deu luz verde á clasificación de ofertas das humanizacións das rúas Gerona e Gregorio Espino que arrancarán o próximo mes de xaneiro. Por un importe superior a 500.000 euros, os traballos de ambas rúas estarán rematados a finais do mes de abril.
A edición número 53 do Gran Premio Pedestre de Nadal, é dicir, a tradicional Carreira do Pavo, disputarase este domingo na Alameda dende as 10:30 horas e porá o colofón non ao ano atlético, que se pecha coa San Silvestre o vindeiro día 28, senón ao Circuíto de Carreiras Populares Cidade de Vigo.
O Concello decidiu prorrogar a exposición "Vigo, a cidade que xurdiu da industria conserveira", que se pode visitar no primeiro andar da Casa das Artes. Deste xeito, o público poderá achegarse á historia da conserva durante estas festas do Nadal.