Abel Caballero avanzou hoxe mércores que xa están a venda os billetes das dúas conxións diarias coas que Vueling unirá Barcelona e Vigo a partir de abril. Esta "magnífica" noticia permitirá ir e volver no mesmo día, o que supón cubrir unha importante demanda na cidade. <br />
Xunto A Golpe de Pedal, o Concello coorganiza unha nova edición da campaña municipal de recollida de bicis "Unha bici, un sorriso", pola que se recollen e arranxan para ser entregadas aos nenos con menos posibilidades. O teléfono gratuíto 010 ofrece información sobre a iniciativa e os puntos de entrega en Vigo. Este ano, como novidade, o periodo de recollida e entrega esténdese a todo o ano, e non á campaña do Nadal como ata do de agora.
Abel Caballero asistiu á inaguración do novo supermercado de Mercadona que abriu hoxe na Avenida de Madrid e o Camiño do Raviso. Durante unha rolda de prensa, o rexedor destacou o investimento de 4,5 millóns de euros e os 40 postos de traballo fixos que se xeran na cidade.
Vigópolis, a serie web con Vigo como protagonista, presentou este mércores ao seu elenco, unha vez rematado o casting, e o video promocional. No acto, coa participación de actores, directores e a presenza do alcalde, Abel Caballero, anunciaron que o luns comezan a gravar a serie no Quiñones de Leon.
Abel Caballero e o responsable da CIG comarcal, Serafín Otero, asinaron hoxe un convenio de colaboración por importe de 15.000 euros. Este acordo ten por obxectivo cooperar coas actividadades da entidade sindical.