Así o explicou este venres o alcalde, Abel Caballero, no transcurso dunha visita á obra de rehabilitación do antigo chalé de Mirambel. O futuro Centro de Recepción de Visitantes, cun orzamento de 661.000 euros, amosará a historia da vila romana nun recinto integrado no entorno.
Este venres, Abel Caballero fixo entrega das chaves das vivendas de Navia aos beneficiarios do programa municipal de realoxo transitorio por execucións hipotecarias, cinco pisos en aluguer gratuito durante dous anos para familias viguesas que foron ou están en proceso de desafiuzamento.
O Concello de Vigo, a través da Xerencia de Urbanismo, ven de aprobar ordenar a Construccións e Astaleiros Lagoa S.A. a demolición dunha nave ilegal situada no camiño de A Lagoa. Trátase dun expediente que ven do 2011 e que obriga á empresa a iniciar o derribo nun prazo de tres meses.
O alcalde, Abel Caballero, rubricou este venres o convenio cos responsables de FEAFES, un acordo polo que o goberno de Vigo achega 4.000 euros para colaborar no financiamento do local que emprega a Federación na rúa Rola.
Este luns, 28 de outubro, ás 20:00 h, inaugurarase na planta primeira da Casa das Artes (r/ Policarpo Sanz, 15) a exposición "MULLERES BAIXO SOSPEITA. Memoria e sexualidade (1930-1980)", organizada pola Concellería de Igualdade do Concello de Vigo e a Unidade de Igualdade da Universidade de Vigo, en colaboración coa Concellería de Cultura e Festas.
A Fundación Laxeiro, en colaboración coa Unidade de Igualdade da Universidade de Vigo e a Facultade de Belas Artes de Pontevedra, organiza as xornadas "A arte ten xénero?", de introdución aos principais aspectos que relacionan xénero e creación artística.As xornadas desenvolveranse na sede da fundación (r/ Policarpo Sanz, 15-3º), os días 4, 5 e 6 de novembro, en horario de 19:00 h a 21:00 h, e a inscrición é gratuíta.
A concellería de Política de Benestar programa un curso de informática básica- LINUX para persoas maiores de 65 anos empadroadas no Concello de Vigo, sen coñecemento ningún de informática.
Comunicámoslle a tódolos usuarios dos cemiterios municipais que, por mor da a festividade de Tódolos Santos, os devanditos cemiterios permanecerán abertos ininterrumpidamente dende as 9,00 ata as 18,30 horas, os días 30 e 31 de outubro e l e 2 de novembro.