O Concello adica 661.000 euros ao novo Centro de Visitantes do xacemento romano de Toralla
Así o explicou este venres o alcalde, Abel Caballero, no transcurso dunha visita á obra de rehabilitación do antigo chalé de Mirambel. O futuro Centro de Recepción de Visitantes, cun orzamento de 661.000 euros, amosará a historia da vila romana nun recinto integrado no entorno.
Abel Caballero, acompañado polos tenentes de alcalde, Carmela Silva e Carlos Font, visitou este venres os traballos de adaptación do antigo chalé de Mirambel no futuro Centro de Recepción de Visitantes do xacemento da vila romana de Toralla.
O prezo total de adxudicación da reforma ascende a 661.000 euros, cun prazo de garantía de 72 meses e o compromiso de mantemento do inmoble polo mesmo periodo. O Concello de Vigo acomete esta infraestrutura cunha subvención do Ministerio de Cultura dun millón de euros, concedida polo anterior Goberno de España e ratificada polo actual. O proxecto inclúe a rehabilitación do devandito edificio, o proxecto museográfico e a urbanización do entorno, contemplando reformas extraordinarias e complementarias polas catas arqueolóxicas realizadas, como un novo peche, "para asegurar que toda a riqueza arqueolóxica que alberga esta zona se mantén intacta", explicou o alcalde.
Explicou Caballero que, unha vez entre en funcionamento, o Centro -anexo ao xacemento aberto polo Concello en 2007- ocupará unha superficie total de 270 metros cadrados, divididos en dúas plantas, e revestido en madeira para integralo no entorno. Ambos andares acollerán salas que divulgarán a historia da vila romana.
Descargar todas as imaxes
O prezo total de adxudicación da reforma ascende a 661.000 euros, cun prazo de garantía de 72 meses e o compromiso de mantemento do inmoble polo mesmo periodo. O Concello de Vigo acomete esta infraestrutura cunha subvención do Ministerio de Cultura dun millón de euros, concedida polo anterior Goberno de España e ratificada polo actual. O proxecto inclúe a rehabilitación do devandito edificio, o proxecto museográfico e a urbanización do entorno, contemplando reformas extraordinarias e complementarias polas catas arqueolóxicas realizadas, como un novo peche, "para asegurar que toda a riqueza arqueolóxica que alberga esta zona se mantén intacta", explicou o alcalde.
Explicou Caballero que, unha vez entre en funcionamento, o Centro -anexo ao xacemento aberto polo Concello en 2007- ocupará unha superficie total de 270 metros cadrados, divididos en dúas plantas, e revestido en madeira para integralo no entorno. Ambos andares acollerán salas que divulgarán a historia da vila romana.