O alcalde fixou como obxectivo "superar" os 3.600 postos de traballo creados no 2012, entre directos e indirectos, pola acción do Concello, para o que as contas deste ano reservan 5,5 millóns de euros para Emprego, ademais dos investimentos. Caballero participou hoxe xoves na entrega de diplomas do "Vigo Laborando"
Abel Caballero avanzou que as 80 persoas maiores ás que lles foi retirado o dispositivo da teleasistenicia froito dos recortes do Goberno Central xa recuperaron os pulsadores. Atribuiu esta eliminación, xa correxida polo Concello, "a unha acción neglixente da Deputación , da Xunta e do Goberno Central".
Abel Caballero revisou este xoves co edil de Deportes, Manel Fernández, os traballos de reparación e mellora do campo de fútbol das Travesas, onde o Concello inviste 12.000 euros. O Concello planea "nun futuro cercano" substituir todo o céspede artificial e continuará coas reformas no campo de fútbol de Samil.
O alcalde mantivo hoxe xoves unha reunión coas dez asociacións beneficiarias en 2013 deste programa do Plan Saúde, un proxecto levado adiante por profesionais que emprega a cadelas como terapia para persoas, por exemplo, con alzheimer ou hiperactividade.
A Sega é o nome da plataforma literaria de crítica feminista que presentaron hoxe xoves a concelleira de Igualdade, Isaura Abelarias, e as escritoras María Reimóndez e Susana Sánchez Arines. O Centro de Recursos Feministas recepcionará as obras que envíen as editoras para que as críticas as poidan recoller e albergarán as doazóns das obras que as editoriais envíen para recensionar.
O Consello Municipal da Muller, na sesión celebrada o día 27 de febreiro de 2013 acordou distinguir a Carmen Segurana co Premio Ernestina Otero, que se otorgará no transcurso dunha cea no Hotel Coia o venres 8 de marzo, Día Internacional das Mulleres. Tamén acordou apoiar a manifestación contra o desmantelemento da Sanidade Pública e difundir un comunicado de repulsa contra as manifestacións de Toni Cantó.
