Abel Caballero informou hoxe xoves que o Concello de Vigo non incrementará a tarifa do autobús urbano en ningunha das súas modalidades en 2013 nin tampoco subirá a achega de fondos públicos municipais á empresa, que asumirá o custe. Indica o alcalde que Vigo é "a única cidade de España" que non sube o autobús.
Abel Caballero cifrou en máis de 3.000 os postos de traballo que xeraron en Vigo os plans de emprego desenvolvidos desde o Concello. Así o explicou esta mañá, logo de asinar un convenio por importe de 10.900 euros coa asociación de veciños de San Pedro de Matamá para xerar un emprego.
Abel Caballero animou a todos os vigueses a acudir ao recital que mañá ofrecerá Carlos Núñez no Auditorio Mar de Vigo a partir das 21,00 horas. O concerto está enmarcado nunha xira na que, ademais de ofrecer a súa música, o artista actúa como embaixador turístico da cidade e xa lle levou a cidades de Estados Unidos, Canadá e Reino Unido.
O alcalde asistiu este mércores á inauguración oficial do Centro de Interpretación do Parque Nacional Illas Atlánticas, ubicado no edificio Cambón do Casco Vello. Abel Caballero valorou a apertura de "boa nova" dunha sede visitable de martes a domingo, de 10 a 14 horas e de 16 a 19 horas.