Abel Caballero fixo este venres balance do ano que remata, un 2012 "malo" polo contexto económico e laboral que, a nivel do Concello, arroxa un saldo de 3.800 empregos creados, entre directos e indirectos, e atención social en bolsas de inglés, comedor e libros, e a apertura do Centro de Inclusión Social.
Abel Caballero fixo esta mañá un chamamento a manter a colaboración entre Goberno de España, Xunta e Concello para asinar un segundo Plan de Competitividade Turística, avanzando que o Goberno municipal está disposto a aportar a mesma cantidade que no actual. Así o explicou durante a presentación da nova páxina web de Turismo de Vigo, nun acto no que destacou a capacidade endóxena de Vigo para atraer visitantes.
O alcalde de Vigo, Abel Caballero, animou hoxe á participación da cidadanía na San Silvestre solidaria, cuxa oitava edición terá lugar no parque de Castrelos este vindeiro luns ás 17:00 horas.
A Concellería de Cultura e Festas organiza, dentro da súa programación de Nadal, o Parque Infantil do Nadal de Vigo-PINVI que terá lugar os días 2, 3 e 4 de xaneiro no vestíbulo do Auditorio Mar de Vigo; o parque contará con diversas actividades para distintas idades: inchables, espazo multiaventura, recuncho de multixogos, obradoiro de educación vial, a presenza do carteiro real e actuacións en directo do pallaso Popín, de monicreques e de Magos.
A produtora do espectáculo familiar sobre xeo, "Peter Pan on Ice", invita a todas as nenas e nenos da cidade de Vigo a subir ao esceario para ser protagonistas do inicio deste musical, versión modernizada do clásico británico que durante anos ten triunfado nos teatros de Broadway.