luns, 18 abril 2011

Caballero anuncia a publicación "inmediata" do listado de parcelas municipais onde edificaranse 500 vivendas protexidas

Algunhas das parcelas, adiantou o alcalde, estarán emprazadas na Praza Elíptica, en Rosalía de Castro, en Lavadores, San Roque, Navia-Alcabre e en Aragón, entre outras. As vivendas "libres de plusvalía" rondarán os 90 metros cadrados e os 120.000 euros, e ergueranse como cooperativa de particulares. Caballero valorou que, por primeira vez, o Concello dispoña dun censo de terreos da súa titularidade, e adiantou que a próxima semana publicarase o listado de parcelas para VPO.

1303140434Imagen005.jpg
1303140389pymes.jpg

O alcalde avanza que estudará cos empresarios e emprendedores novas medidas de apoio ás PEMES

luns, 18 abr 2011

Abel Caballero entrevistouse este luns coa Asociación de Jóvenes Empresarios y Emprendedores de Galicia (AJEGA), con quen comprometeuse a estudar conxuntamente novas fórmulas de apoio ás pequenas e medianas empresas da cidade. Este respaldo, a formalizar nun convenio coa entidade, sumaríase ás rebaixas nas taxas de terrazas e de licenzas impulsadas polo goberno local, e eloxiadas por AJEGA.

1303139573Decabike.JPG

Xabier Alonso convida a participar na Festa da Bicicleta que terá lugar o vindeiro 8 de maio dende Samil

luns, 18 abr 2011

O concelleiro de Deportes, Xabier Alonso, presentou este luns a Festa da Bicicleta "Pedaleamos xuntos", que se celebrará o vindeiro 8 de maio, organizada por Decathlon. O concelleiro nacionalista destacou que se trata dunha "festa do deporte popular, neste caso do ciclismo", que sairá ás 9.30 horas dende a praia de Samil, chegará ao parque de Castrelos, e voltará ás 14 horas á praia de Samil.

1303140350altamar.jpg

O alcalde urxe á Xunta de Galicia a construir o novo colexio Altamar

luns, 18 abr 2011

Abel Caballero reuníu este luns á Asociación de Veciños do Freixeiro para ensinarlles o proxecto elaborado por Urbanismo para edificar un novo centro no lugar que hoxe ocupa o colexio Altamar, evitando así "destruir" a zona verde anexa ao Museo Liste, a outra alternativa proposta. O alcalde indicou que a Xunta de Galicia ten os terreos e o proxecto á súa disposición para telo construído, con "vontade", en outubro ou novembro.

1303139830peinador.JPG

Abel Caballero valorou os "niveis de ocupación moi elevados" rexistrados no primeiro voo Vigo-Londres

luns, 18 abr 2011

O pasado sábado iniciouse a ruta Vigo-Londres subvencionada polo Concello de Vigo e o alcalde valorou hoxe positivamente o establecemento desta conexión para os negocios da cidade olívica e para o turismo. Das 180 prazas dispoñibles, a ruta a Londres ocupou 151 e a volta a Vigo outros 97 asentos. "Acertamos cando apostamos por este avión", asegurou Abel Caballero.

A biblioteca Xosé Neira Vilas continúa o mércores o programa de animación á lectura cun obradoiro de encadernación

luns, 18 abr 2011

A biblioteca pública Xosé Neira Vilas acollerá o vindeiro mércores, 20 de abril ás 19 horas, un obradoiro de encadernación xaponesa, segundo informa a Concellería de Cultura e Animación Sociocultural. Esta iniciativa enmárcase no programa de animación á lectura deste novo espazo cultural da cidade e terá lugar no marco da celebración do Día do Libro.