mércores, 24 xuño 2009

Isaura Abelairas subliña o investimento de 1,1 millóns de euros en 2009 na construción de novas beirarrúas no rural

A concelleira de Vías e Obras e Servizos Xerais, Isaura Abelairas, explicou hoxe mércores que, ao longo deste 2009, o seu departamento terá construidas unha veintena de novas beirarrúas en estradas do rural vigués. O investimento supera os 1,1 millóns de euros e as actuacións benefician a 14 parroquias da cidade. En mellora do abastecemento, os investimentos acadan os 780.000 euros, segundo indicou a edil.

1245847781isaura.jpg
1245847701bureau.JPG

A Fundación Vigo Convention Bureau iniciará en setembro a promoción turística da cidade

mércores, 24 xuñ 2009

O tenente de alcalde e concelleiro de Turismo, Santi Domínguez, anunciou este mércores que a primeira fase de accións de promocións do turismo de Vigo que levará a cabo a Fundación Convention Bureau comezará en setembro. Ademais, o nacionalista salientou que o inicio da actividade desta institución se levará a cabo tras a elaboración do primeiro Plano Estratéxico 2009-2010, a sinatura da acta fundacional e a aprobación definitiva dos seus estatutos na sesión plenaria do vindeiro luns.

O museo Verbum acolle unha completa programación estival dirixida a todos os públicos

mércores, 24 xuñ 2009

Recitais, campamentos para nenos e nenas, proxeccións e mostras son algunhas das actividades que integran a programación que se desenvolverá durante os meses de xullo e agosto no museo Verbum, segundo anunciou este mércores o concelleiro de Cultura, Xesus López. "Trátase dunha completa programación que supón a potenciación do Verbum como museo de referenza da cidade", salientou o concelleiro nacionalista.