A Xunta de Goberno Local aprobou hoxe luns a revisión das tarifas de autotaxi para 2007, cunha suba do 7,48%. Tamén se modifican para o ano que vén os prezos do autobús urbano. O billete de Vitrasa pasará de 1 a 1,03 euros.
O concelleiro de Cultura, Ignacio López Chaves, presentou o concerto que clausura, o martes día 19 de decembro, o Festival de Música "Are More" 2006. O "Concerto barroco na Cidade Prohibida", a música chinesa e os instrumentos, será ás 20.30 horas no teatro-cine Fraga CaixaGalicia.
A fachada da subestación de FENOSA será demolida e no seu lugar reconstruirase a antiga escalinata da praza de Portugal. O traslado das pezas orixinais, que suporán o 35% da estrutura final, foi anunciado hoxe luns polo Goberno local.
Máis de 134 actividades conforman a programación que as distintas entidades veciñais que forman a Federación de Veciños Eduardo Chao teñen preparadas para este Nadal e que veñen de presentar hoxe xunto co concelleiro de Festas, Ignacio López Chaves.
<br />
<br /> <br />