A alcaldesa decretou os servizos mínimos ante a folga indefinida do persoal dos servizos de recollida de lixo e limpeza viaria que se inicia o sábado día 30 de abril. Estes servizos teñen carácter de esenciais polos riscos que para a saúde entraña a permanencia dos residuos sólidos, especialmente os orgánicos, nas vías públicas.
A oficina estará remolcada por un todoterreno e conta cun novidoso sistema hidráulico que permite montala en menos de quince minutos. Viaxará levando a imaxe de Vigo a todos os eventos náuticos nacionais e ás cidades que queden a menos de catro horas en coche, con vistas á saída da Volvo Ocean Race.
O concelleiro de Festas e Animación Sociocultural, Ignacio López-Chaves, asinou un convenio de colaboración coas bandas de música populares de Vigo e maila Federación de Bandas para a programación de concertos ao longo de 2005, por un importe de 121.416 euros.
Vigo-Zoo organiza, para aqueles que visiten as súas instalacións na xornada de portas abertas do próximo 1º de maio, o seu primeiro concurso de fotografía dixital, no que se premiarán as fotografías que mellor representen o zoolóxico.
Dende o luns, día 2 de maio e ata o 9 inclusive, estarán a exposición pública as listas do censo electoral para os comicios autonómicos do 19 de xuño.
A concellería da Muller oferta sete prazas vacantes para o curso de iniciación a internet que se inician o 9 de maio e finalizan o 2 de xuño.
<br />
<br />