Castrillo abriu as xornadas sobre "Desenvolvemento urbano sostible na Unión Europea" que reúnen a destacados especialistas para achegar novas tendencias normativas que compatibilicen a protección do medio ambiente co crecemento urbanístico.
O concelleiro de Cultura subliñou o compromiso do Nobel de Literatura José Saramago de formar parte do comité de expertos do museo. Xunto a Saramago, figuran como asesores de Verbum os escritores Francisco Fernández del Riego, Víctor Freixanes e Rosa Regás, mailos xornalistas Manuel Toharia, Xosé Cermeño e Carlos Luis Rodríguez.
As actuacións do Ballet Español de Murcia e da Bojnami Danza conmemoran, por primeira vez na cidade, o Día Internacional da Danza. Unha mesa redonda completa o programa de actos, organizados polo Concello en colaboración coa Asociación Galega de Profesionais da Danza, o 29 e 30 de abril no Auditorio Municipal. O concelleiro de Cultura, Carlos Príncipe, presentou a iniciativa como un primeiro paso cara á integración da danza na oferta cultural de calidade en Vigo.
O alcalde, Lois Castrillo, recibiu a directora da Sociedad Regional de Turismo de Asturias, Elisa Llaneza, quen lle entregou un teixo "como traslación da terra asturiana a Vigo".
O número de usuarios do transporte público de Vigo continúa aumentando paulatinamente. Nos últimos doce meses a cifra de viaxeiros do autobús urbano foi de 19.676.918.
O primeiro premio terá unha dotación de 2.400 euros, e concédense dous accésits de 450 euros. <br />
A "Obertura da Frauta Encantada", de Mozart, e "O Carnaval dos Animais", de Saint-Säens, constitúen o programa do concerto didáctico que a Escola Municipal de Música ofrecerá no auditorio do Concello o vindeiro 26 de abril, a partir das 12:00 horas. A entrada será libre ata completar aforo.
A asociación de veciños de Lavadores acolle o venres unha nova representación do programa Vigo a Escena, que organiza a Concellería de Festas e Animación Sociocultural. Neste caso vaise representar a obra "Cheiro de Estrelas II", a cargo do grupo Fulano, Mengano e Citano. A representación terá lugar ás 8 da tarde.