Xornal Vigo

martes, 22 abril 2003

Educación

Castrillo afirma que co novo conservatorio se inviste nun futuro de progreso para Vigo

O alcalde de Vigo, Lois Castrillo, acompañou o presidente da Xunta na inauguración do novo conservatorio de grao elemental e medio de Vigo, unha dotación que, segundo salientou o rexedor municipal, permitirá que os vigueses poidan cursar todos os estudios musicais na cidade, dende o grao elemental ata o máis especializado. O alcalde afirmou que investindo en ensino e cultura se está apostando por un futuro de progreso para Vigo.

Benestar Social

As conductas adictivas e a exclusión social centran as xornadas do Plan Local de Drogas

martes, 22 abr 2003

Os días 8 e 9 de maio celebraranse as IV Xornadas do Plan Local sobre Drogodependencias e outras adiccións que organiza a concellería de Benestar Social e terán lugar no salón de actos da Facultade de Ciencias da Universidade de Vigo. A conferecia marco tratará sobre "Conductas adictivas e exclusión social" e será pronunciada por Enrique Martínez Reguera, filósofo e pedagogo, fundador da "Escuela sobre Marginación" en Madrid.

Alcaldía

O Concello favorecerá a consolidación do Centro Xove de Alecrín

martes, 22 abr 2003

O alcalde, Lois Castrillo, visitou as instalacións do Centro Xove de Alecrín, o único centro galego de atención específica á xuventude que ten como obxectivo atender e cubrir as necesidades e demandas en relación coa saúde afectiva e sexual.

Participación Cidadá

A Federación de Peñas Recreativas "El Olivo" disporá dun novo local social

martes, 22 abr 2003

O alcalde, Lois Castrillo, e a concelleira de Participación Cidadá, Mariló Cabaleiro inaugurarán o mércores 23 de abril o local destinado á sede da Federación de Peñas Recreativas "El Olivo", derivado da materialización dunha cesión realizada ao Concello de Vigo pola entidade Seromar S.A.

Cultura

A exposición sobre a obra de Camilo Nogueira poderase visitar ata o 3 de maio no Museo de Castrelos

martes, 22 abr 2003

A exposición "Natureza. Contexto e obra de Camilo Nogueira" que se exhibe actualmente na sala de exposicións temporais do museo municipal "Quiñones de León", prorrógase ata o vindeiro 3 de maio superadas amplamente as expectativas de visitantes. Case mil persoas visitaron a exposición dende o pasado 17 de marzo.

Deportes

Os clubes percibirán 100.000 euros da Fundación Vigo en Deporte

martes, 22 abr 2003

A Fundación Vigo en Deporte, en colaboración con Viaxes Eroski, reparte 100.000 euros entre todos os clubes de Vigo, froito da venda de rifas entre milleiros de siareiros, ao prezo dun euro.