Santiago Domínguez continúa a súa rolda de contactos para dar a coñecer o Plan Xeral
Dentro da súa rolda de contactos con distintos colectivos da cidade para explicarlles a situación do Plan Xeral, o tenente de alcalde, Santiago Domínguez, mantivo este xoves un encontro cos presidentes do Colexio Oficial de Arquitectos, Colexio Oficial de Aparelladores, Colexio Profesional de Deliñantes, Colexio Oficial de Enxeñeiros, Canles e Portos, Colexio Oficial de Enxeñeiros Industriais e Colexio Oficial de Axentes da Propiedade Inmobiliaria.
Finalizada a reunión, Domínguez indicou que a finalidade desta rolda de contactos é transmitir a postura do BNG sobre o Plan Xeral e coñecer a opinión dos diferentes colectivos. Neste sentido, o tenente de alcalde salientou a importancia da "implicación de todos os sectores" para aprobar o PXOM no menor prazo de tempo posible e con "todas as garantías".
Descargar todas as imaxes