O Goberno local incrementa o orzamento de Cultura para 2026 ata os 19,8 millóns de euros

O alcalde informou dun aumento histórico no investimento municipal en Cultura, cun orzamento de 19.865.000 euros para o ano 2026, o que supón un incremento de 1.321.000 euros respecto ao exercicio anterior, é dicir, un 7% máis. “Esta cidade vive con entusiasmo a cultura, é unha fábrica de cultura e somos grandes consumidores de cultura”, declarou.

As bibliotecas públicas (Neira Vilas, Juan Compañel e Casa Galega da Cultura) contarán cun orzamento de 1.160.000 euros, mentres que os museos e equipamentos culturais recibirán 3.941.000 euros, cun incremento de 701.000 euros. Entre as actuacións previstas figuran:

• Melloras no MARCO: 125.000 € en cubertas e infraestruturas, ademais de 20.000 € máis para o seu funcionamento ata acadar os 770.000 euros.
• Pinacoteca de Vigo: 40.000 €.
• Museo Liste: achega de 127.000 € e obras por valor de 128.000 €.
• Museo Quiñones de León (Castrelos): intervención de 206.000 €.
• Casa Galega da Cultura: mantemento e reparacións, 45.000 €.
• Museo Verbum: melloras por 10.000 €.
• Casa das Artes: remodelación da segunda planta, 80.000 €.
• Colección Colmeiro: 30.000 € para completar o pagamento da adquisición.
• Arquivo Pacheco: plan de dinamización e recuperación, 40.000 €.

Caballero tamén subliñou o esforzo en materia de seguridade nos museos, con 596.000 euros, e na atención ao público, que ascende a 513.000 euros, un aumento de 78.000 € debido á ampliación de horarios e ao reforzo de persoal. O Concello reserva unha partida de 250.000 euros para a programación de exposicións na rede de museos. Tamén 50.000 euros para a adquisición de nova obra artística.

A promoción da cultura contará cunha partida de 2.950.000 euros, case medio millón máis que no 2025. O Concello ampliará o apoio a bandas, corais, orquestras, festivais e asociacións culturais viguesas, entre elas:

• Bandas de música de Vigo: 233.000 €
• Corais: 205.000 €
• Asociación Interfolk: 115.000 €
• Programa Vente con nós: 100.000 €
• Orquestra Vigo 430: 150.000 €
• Orquestra Clásica de Vigo: 60.000 €
• Amigos da Ópera: 60.000 €
• Ciclo Conexión Mayeusis: 60.000 €
• Coral Casablanca: 42.500 €
• Instituto de Estudos Vigueses: 40.000 €
• Cine Club Lumière: 10.000 €
• Sala Ártika: 10.000 €
• Teatro Ensalle: 10.000 €
• Festival “Nas Ondas”: 4.000 €
• Concurso de corda Cidade de Vigo: 12.000 €
• Concurso de piano “Cidade de Vigo”: 40.000 €
• Feira do Libro: 15.000 €
• Maratón Fotográfico: 12.000 €
• Concertos da Filarmónica: 15.000 €
• Sondeseu: 12.000 €
• Orquesta KV2211: 10.000 €
• Freaky Film Festival: 6.000 €
• Cine de montaña cos Montañeiros Celtas: 4.000 €

Ademais, créase unha nova liña de subvencións culturais de 80.000 euros destinada a entidades que organicen eventos e actividades na cidade.

O alcalde anunciou tamén programación cultural en todos os barrios e parroquias, cun investimento de 230.000 euros en teatro, música e artes escénicas. Amais, o Auditorio Municipal e o programa Vigo Cultura disporán de 350.000 euros, e o Auditorio Mar de Vigo recibirá 500.000 euros para subvencións de actividades.

O programa de arte urbana conta cun orzamento de 450.000 euros. Caballero anunciou a preparación dunha exposición inmersiva sobre Julio Verne, á que se destinarán 175.000 euros. Ademais, desenvolverase un proxecto artístico no barrio do Rocío, con 108.000 euros.