O estudantado do CPR Jesuitinas Miralba percorre as instalacións municipais no programa "Visita o teu Concello"
O alcalde recibiu este martes, no Salón de Plenos, a 50 escolares do CPR Miralba Jesuitinas que participan no programa didáctico "Visita ou teu Concello" co que reciben información do funcionamento da administración municipal. Abel Caballero explicoulles a incidencia do traballo que se desenvolve no Concello nun gran número de servizos que recibe a cidadanía, desde o abastecemento da auga á limpeza das rúas. Ao longo do presente curso escolar 2.500 estudantes participan na iniciativa formativa sobre o traballo municipal.
