Caballero celebra o ritmo da economía de Vigo que marca a EPA
Os datos de EPA reflicten que Vigo rexistra un 8,4% máis de ocupados e un 7,9% menos de desempregados. “Vigo tira do emprego da provincia de Pontevedra, de Galicia e de España”, dixo o alcalde.
Abel Caballero deu a coñecer os datos de Vigo na EPA do terceiro trimestre, que reflicten a medra do emprego na cidade. Así é que Vigo rexistrou un 8,4% máis de ocupados e un 7,9% menos de desempregados con respecto a EPA do mesmo trimestre do ano pasado. Uns datos que o rexedor valorou de xeito positivo e referiuse á economía de Vigo como “imparable e fortísima”.
Para Caballero “Vigo tira do emprego da provincia de Pontevedra, Galicia e España”, e que mentres Vigo rexistra un 8,4% máis de ocupados, a provincia medra un 3,3%, Galicia un 1,4% e España un 1,8%; e se falamos do desemprego, mentres que en Vigo baixa un 7,9%, na provincia cae un 3,3%, en Galicia un 5,2% e en España un 4,9%.