O alcalde participou na entrega de insignias aos homenaxeados polo Colexio de Avogados
Abel Caballero fixo entrega dun dos galardóns concedidos pola entidade aos profesionais con máis de corenta anos de traxectoria profesional, nun acto celebrado este venres no vestíbulo do auditorio Mar de Vigo.
A tradicional celebración foi conducida pola decana do Ilustre Colexio de Avogados, Lourdes Carballo, e contou coa presencia e participación do vicepresidente autonómico, Alfonso Rueda, o xuíz decano, Germán Serrano, o fiscal-xefe da Audiencia provincial, Juan Carlos Aladro e co presidente da mesma, Francisco Javier Menéndez, ademais do alcalde de Vigo, Abel Caballero.
O coro do Colexio de Avogados interpretou algunhas pezas ao inicio e peche do acto, e houbo un momento de recordo aos profesionais falecidos no pasado ano e en xaneiro do actual. Sete avogados recibiron este venres a súa insignia en recoñecemento á súa traxectoria.