A mesa de contratación clasificou xa as ofertas presentadas á licitación das obras do túnel que unirá a rúa Lepanto coa autoestrada AP9 amais da adecuación de toda a conexión co centro Vialia, que ten un orzamento de 11,8 millóns de euros.
Logo dunha reunión coa Asociación de Directores de Colexios Públicos, Caballero asegurou que “xa só o Concello” atende a estes centros e recordou que a Xunta non contestou á súa proposta de cofinanciar un plan de adecuación das instalacións. O rexedor citará aos responsables dos 50 colexios públicos para “facer balance de situación”.
O alcalde recibiu este luns ao comité executivo da Feira Internacional da Industria Naval de Vigo, que terá lugar do 19 ao 21 de maio coa práctica totalidade da superficie expositiva xa ocupada. Para trasladar á cidadanía a importancia deste sector e deste evento profesional, Abel Caballero anunciou “algún concerto” ou acto festivo en Vigo.