Xesus López anima a acudir ao concerto que a Orquestra 430 e Christophe Coin ofrecen o mércores no Auditorio Municipal
O concelleiro de Cultura, Xesus López, presentou hoxe o concerto que protagonizará a Orquestra Vigo 430 o vindeiro mércores ás 20.30 horas no Auditorio Municipal, e que contará coa participación do violonchelista francés Christophe Coin, un dos máis recoñecidos da actualidade. Segundo destacou o nacionalista, este concerto é a "continuación da intensa programación que temos no Auditorio Municipal, que está pensada para todos os públicos".
Xesus López explicou que na primeira parte do concerto, actuará como solista Christophe Coin, que interprerará o concerto para violoncello de Antonin Dvorak, mentres que a Orquestra Vigo 430 interpretará coa formación sinfónica, que chega aos 50 músicos, a Sinfonía nº 38 "Praga" de W. A. Mozart. Agradeceu a Christophe Coin a súa presenza en Vigo e animou aos vigueses e viguesas a acudir ao Auditorio Municipal, posto que ao seu xuízo será un "gran concerto".
O concelleiro de Cultura sinalou que o prezo das entradas é de 5 euros e pódense adquirir na web www.laboleteria.es, opción que recomendou para evitar problemas de espazo, ou na taquilla unha hora antes do comezo da actuación. Lembrou tamén que a programación completa da Concellería de Cultura pódese consultar en www.vigocultura.org.
Christophe Coin recoñeceu estar encantado de atoparse en Vigo para actuar como solista coa Orquestra Vigo 430 e "polo seu ambiente". Lembrou que xa ten actuado con anterioridade en A Coruña e Santiago e comentou que coñece dende hai anos ao director artístico da orquestra, Alejandro Garrido, xa que tocaron xuntos na Orquestra Barroca de Sevilla. Asegurou que con Garrido e o apoio do público a orquestra terá "un futuro moi importante na cidade".
Javier Escobar, responsable da xestión da orquestra, agradeceu a Christophe Coin "a honra de ter aceptado a invitación de tocar con nós" e asegurou que é "un luxo telo en Vigo". Agradeceu tamén á Concellería de Cultura o seu apoio ás manifestacións culturais de calidade que se producen na cidade. O director artístico, Alejandro Garrido, agradeceu a Vigo "ter a oportunidade de dirixir un proxecto tan importante como a Orquestra Vigo 430" e tamén asegurou que é "unha honra ter o privilexio de contar con Christophe Coin".
Descargar todas as imaxes
O concelleiro de Cultura sinalou que o prezo das entradas é de 5 euros e pódense adquirir na web www.laboleteria.es, opción que recomendou para evitar problemas de espazo, ou na taquilla unha hora antes do comezo da actuación. Lembrou tamén que a programación completa da Concellería de Cultura pódese consultar en www.vigocultura.org.
Christophe Coin recoñeceu estar encantado de atoparse en Vigo para actuar como solista coa Orquestra Vigo 430 e "polo seu ambiente". Lembrou que xa ten actuado con anterioridade en A Coruña e Santiago e comentou que coñece dende hai anos ao director artístico da orquestra, Alejandro Garrido, xa que tocaron xuntos na Orquestra Barroca de Sevilla. Asegurou que con Garrido e o apoio do público a orquestra terá "un futuro moi importante na cidade".
Javier Escobar, responsable da xestión da orquestra, agradeceu a Christophe Coin "a honra de ter aceptado a invitación de tocar con nós" e asegurou que é "un luxo telo en Vigo". Agradeceu tamén á Concellería de Cultura o seu apoio ás manifestacións culturais de calidade que se producen na cidade. O director artístico, Alejandro Garrido, agradeceu a Vigo "ter a oportunidade de dirixir un proxecto tan importante como a Orquestra Vigo 430" e tamén asegurou que é "unha honra ter o privilexio de contar con Christophe Coin".