O 11 de setembro remata o prazo de inscrición na Escola Municipal de música folk e tradicional –eTrad-<br />
Máis de 200 persoas solicitaron xa a súa preinscrición a través das páxinas da Escola Municipal de Música Folk e Tradicional de Vigo (www.e-trad.org) o que a sitúa como o centro máis prestixioso no seu xénero da Península. O prazo de presentación de solicitudes remata o dia 11 de setembro e pode facerse tanto coa modalidade on-line como presencialmente nas oficinas da e-Trad, situadas na rúa García Barbón, 5.
Dirixida por Rodrigo Romaní e cun prestixioso plantel de profesorado cunha longa experiencia profesional e docente, está concebida como un moderna combinación entre a música de tradición oral e as novas tecnoloxías, a e-Trad oferta a formación especializada en música folk tanto para afeccionados como para os futuros profesionais nas especialidades de Gaita, Percusión, Zanfona, Canto popular, Violín folk, Acordeón diatónico, Requinta e Corda pulsada.
Na actualidade ten en marcha a sinatura de convenios coa Universidade e outras institucións educativas e está a traballar para que a partir deste curso poida liderar a realización de programas europeos de colaboración con centros similares de Finlandia, Dinamarca, Escocia, Suecia e Irlanda, coa presentación da candidatura, cuxa redacción e xestións previas se ultima nestes días, ao programa "Cultura" da Comisión Europea.
Máis información:
Avda. García Barbón, 5
Tfno.: 986228087/88
Internet: http://www.e-trad.org
Descargar todas as imaxes
Na actualidade ten en marcha a sinatura de convenios coa Universidade e outras institucións educativas e está a traballar para que a partir deste curso poida liderar a realización de programas europeos de colaboración con centros similares de Finlandia, Dinamarca, Escocia, Suecia e Irlanda, coa presentación da candidatura, cuxa redacción e xestións previas se ultima nestes días, ao programa "Cultura" da Comisión Europea.
Máis información:
Avda. García Barbón, 5
Tfno.: 986228087/88
Internet: http://www.e-trad.org