xoves, 25 nov 2010
O alcalde de Vigo decretou este xoves a "paralización inmediata" e valado dos traballos de humanización en marcha na rúa Celso Emilio Ferreiro onde atópanse novos vestixios arqueolóxicos. Ante a relevancia dos restos descubertos nos últimos días, Caballero anunciou que encargará un proxecto para revalorizar este achado e a humanización continuará onde non afecte ao novo "patrimonio histórico e cultural" vigués.
xoves, 25 nov 2010
O tenente de alcalde e concelleiro de Turismo, Santi Domínguez, anunciou este xoves que o XVIII Congreso Nacional e XII Congreso Internacional de Medicina Xeral e de Familia, que se celebrarán no Ifevi do 18 ao 21 de maio de 2011, reunirán en Vigo máis de 6.000 persoas, procedentes tanto de España e Portugal como do resto da Unión Europea e Iberoamérica. Na presentación do congreso, que é o primeiro de ámbito internacional que chega a Vigo a través da Fundación Vigo Convention Bureau, o nacionalista fixo fincapé na forte repercusión que terá a celebración deste evento na cidade respecto ao seu retorno económico e a dinamización do sector hosteleiro.
xoves, 25 nov 2010
O tenente de alcalde, Santi Domínguez, fixo hoxe un chamamento á sociedade para que "todos e todas poñamos o noso grao de area" e chegue un día no que non sexa preciso conmemorar días como o de hoxe, Día internacional contra a violencia de xénero. O nacionalista dixo que "non podemos ser cómplices" e por iso reivindicou que é preciso denunciar sempre cada maltrato ou agresión dun home a unha muller.
xoves, 25 nov 2010
O concelleiro de Deportes, Xabier Alonso, anunciou hoxe os prezos de abonos e entradas para a Copa Asobal 2010 de balonmán, que se disputará no pavillón central das Travesas os días 18 e 19 de decembro. Os abonos poderán adquirirse dende as 9:00 horas de mañá venres.
