O equipo redactor do Plan xeral de ordenación municipal entregou o documento revisado do que se farán catro copias en formato dixital para a toma de coñecemento dos grupos municipais que conformarán a nova Corporación de cara a guiar o novo modelo urbanístico da cidade.
"Os dalís de Dalí" é o título da exposición que a Fundación Caixa Galicia e a Concellería de Cultura inauguran na Casa das Artes. A exposición, realizada conxuntamente coa Fundación Gala-Salvador Dalí, con motivo do XXV aniversario da entidade financeira, mostra 50 pinturas e debuxos do pintor ampurdanés e permanecerá na cidade ata o 13 de xullo.
O concelleiro en funcións Uxío González reuniuse con comerciantes de Pintor Laxeiro que achegaron 10.500 euros para realizar obras de humanización no último tramo do vial co fin de revitalizar esta zona.
Os actos organizados en conmemoración do centenario de Alexandre Bóveda destinados a enxalzar a vinculación do galeguista coa cidade celebraranse na segunda quincena de xuño. A concelleira en funcións Carme Corbalán presentou as actividades que sacarán á luz aspectos descoñecidos do labor de Bóveda.
O concelleiro de Desenvolvemento Local e Emprego en funcións, Delfín Fernández Álvarez, fixo entrega do I Premio do Salón do emprendedor do Atlántico á iniciativa empresarial ós galardoados nas diferentes modalidades.