martes, 3 out 2017
A Xerencia de Urbanismo contará no 2018 cun orzamento de 10,7 millóns, un aumento do 12,6% sobre este ano, o que revela o "esforzo" do Concello para salvar as consecuencias da anulación xudicial do PXOM, explicou Caballero este martes. As contas reservan 2,5 millóns para a recuperación da Panificadora e 800.000 euros para a urbanización na Avenida de Europa, entre outros proxectos.
venres, 29 set 2017
O alcalde de Vigo saudou esta mañá aos asistentes ás xornadas de urbanismo que organizou o Colexio Oficial de Arquitectos de Galicia. Durante a súa intervención defendeu para Vigo un urbanismo habitable, pensado para ás persoas e con espazos de participación cidadá.
xoves, 21 set 2017
Abel Caballero deu conta este xoves da licencia concedida á cooperativa, que presenta un orzamento de execución de 2,5 millóns para erixir un edificio de once alturas, con 32 vivendas e 45 prazas de garaxe. A parcela, entre Fernando Conde e Areosa, foi vendida polo Concello para construir vivenda de prezo taxado.
mércores, 20 set 2017
Os propietarios dos dous edificios que arderon esta fin de semana teñen seis días naturais para adoptar medidas urxentes de seguridade, explicou este mércores Caballero, quen engadiu que, de incumprirse, están apercibidos de sancións de ata 10.000 euros trimestrais.
mércores, 30 ago 2017
Ao abeiro do Plan Estatal de Rehabilitación e Renovación Urbana, investirá 560.000 euros no Casco Vello, Bouzas, Santa Clara e as rúas Bueu, Moaña e o polígono de Coia. Ademais, xa pode consultarse na sede electrónica o borrador da ordenación provisional do urbanismo do Concello.
luns, 7 ago 2017
Dentro do Plan Estatal do Ministerio de Fomento 2013-2016 nos catro ARI vigueses: o Casco Vello, Bouzas, o grupo de casas Santa Clara e a zona Bueu-Moaña de Coia. Amais, o alcalde deu conta da humanización de Marqués de Valterra.
martes, 1 ago 2017
A Comunidade de Montes investirá un millón de euros na infraestrutura da que o Concello asumirá o mantemento. A Xerencia de Urbanismo outorga tamén licenza de construción para un edificio de 25 vivendas na rúa Aragón.
luns, 24 xul 2017
O alcalde referiuse este luns á ampliación do Parque Tecnolóxico e Loxístico de Vigo, un proxecto incorporado ao orzamento de Zona Franca para 2018, para o que o Concello pedirá a execución dalgunha figura urbanística que lle "dea viabilidade". Considera que este é un proxecto "importante para a cidade".
luns, 24 xul 2017
Caballero avanzou que o Pleno do mércores votará o estudo previo das medidas provisionais de ordenación da Lei 2/2017, que fai posible que os concellos con Plan Xeral anulado poidan recuperar parte da ordenación. O Concello de Vigo, o primeiro galego en acollerse a esta lei.
xoves, 13 xul 2017
O Concello, a través da Xerencia de Urbanismo, concedeu licenza ao proxecto de rehabilitación do antigo Pazo de Marqués de Valladares, emprazado na rúa Oliva 2-4, coa obriga de conservar, entre outros elementos, as fachadas de pedra. A propiedade contempla investir 1,6 millóns para a súa conversión en centro sociocultural recreativo.