Segundo adiantou Caballero este martes, o goberno de Vigo elaborou o proxecto dun novo acceso ao centro desde a estrada de Camposancos. O actual vial polo que accede o alumnado carece de beirarrúas. O alcalde considera "da maior importancia" crear unha nova entrada que ningún goberno anterior sequera previu
A Xerencia de Urbanismo outorga licencias para a derruba de varias construcións nas rúas San Paio, Cañiza e Serra. O alcalde, Abel Caballero, destaca a necesidade de vivenda de protección en Vigo e os atrasos que acumula a Xunta no PAU de Navia.
A Corporación aprobou este mércores incorporar este entorno, próximo á Avenida de Madrid, á ordenación urbanística provisional, o que suporá recuperar para Recaré o planeamento de 2008. A edil de Urbanismo, María José Caride, expuxo que existe demanda empresarial e defendeu o interese desta actuación para a economía e o emprego de Vigo, compatible ademais co comercio local.<br />
Os informes municipais remitidos á Xunta son favorables á ampliación do Parque Tecnolóxico e Loxístico, onde poderán instalarse firmas comerciais que requiren de parcelas de gran tamaño. Existe demanda ao efecto, expuxo o alcalde, quen reclamou axilizar os trámites administrativos para que sexa realidade canto antes.
A Xunta de Goberno Local aprobou a modificación do Plan Parcial de Navia e sométea a período de alegacións. O alcalde destacou as dotacións municipais que xa existen no novo barrio e a posibilidade de que aumente a poboación ata 15.000 veciños.
Segundo informou Abel Caballero este martes, a Xerencia de Urbanismo aprobará a inclusión deste ámbito terciario próximo á Avenida de Madrid na ordenación urbanística provisional, o que suporá recuperar para Recaré a planificación de 2008. O goberno de Vigo conta xa cos informes ambiental e urbanístico favorables.
Abel Caballero anunciou este venres que o goberno que preside levará a próxima semana á Xerencia de Urbanismo o inicio do proceso de contratación do novo PXOM. Ademais, o alcalde deu conta da recepción dos informes estatais para a aprobación inicial do Plan Parcial de Navia, onde se prevé construír 1.600 vivendas protexidas.
Na Xerencia de Urbanismo do xoves verá luz verde a licenza de obras que permitirá iniciar a segunda parte da rehabilitación do edificio do Xeral para convertela na Cidade da Xustiza. O alcalde demanda á Xunta a mesma celeridade coa que actuou o Concello de forma que as obras sexan licitadas canto antes.
O alcalde avanzou este venres a apertura dunha convocatoria de axudas para rehabilitar edificios e vivendas no Casco Vello, no casco histórico de Bouzas, en Santa Clara e nas rúas Moaña e Bueu, en Coia, como parte da prórroga do Plan Estatal 2013-2017 ao que o Concello achega un total de 786.000 euros.